Friday, July 19, 2019
સબસ્ક્રાઈબ કરો VTVGujarati ન્યુઝ Whatsapp
OMG

OMG! / દહીં પર વધુ 2 રૂપિયા વસૂલવા દુકાનદારને પડ્યાં ભારે, ફટકારાયો આટલાં હજારનો દંડ

દહીં પર વધુ 2 રૂપિયા વસૂલવા દુકાનદારને પડ્યાં ભારે, ફટકારાયો આટલાં હજારનો દંડ

તમિલનાડુનાં તિરૂનેલવેલીમાં એક હેરાન કરી નાખનારી એક ઘટના સામે આવી છે. ધારાપુરમનાં રહેનાર સી. મહારાજાએ છઠ્ઠી ફેબ્રુઆરીનાં રોજ અન્નપુર્ણા હોટલથી 40 રૂપિયાનું દહીં ખરીદ્યુ હતુ પરંતુ હોટલ માલિકે તે દહીં ઉપર એક રૂપિયા જીએસટી, એક રૂપિયો એસજીએસટી અને બે રૂપિયા પેકેજિંગ ચાર્જ સહિત કુલ 44 રૂપિયા લીધા હતાં.

Yogurt

તમિલનાડુનાં તિરૂનેલવેલીમાં એક હેરાન કરી નાખનારી એક ઘટના સામે આવી છે. અહીં એક હોટલ માલિકે ગ્રાહક પાસેથી દહીં (Yogurt) પર પણ જીએસટી (GST) વસૂલ્યો, જે કારણોસર તેની ઉપર 15 હજાર રૂપિયાનો દંડ (fine) ફટકારવામાં આવ્યો છે. આ દંડ તિરૂનેલવેલીનાં જિલ્લા ઉપભોક્તા ફોરમે લગાવ્યો છે.

હકીકતમાં, ધારાપુરમનાં રહેનાર સી. મહારાજાએ છઠ્ઠી ફેબ્રુઆરીનાં રોજ અન્નપુર્ણા હોટલથી 40 રૂપિયાનું દહીં ખરીદ્યુ હતુ પરંતુ હોટલ માલિકે તે દહીં ઉપર એક રૂપિયા જીએસટી, એક રૂપિયો એસજીએસટી અને બે રૂપિયા પેકેજિંગ ચાર્જ સહિત કુલ 44 રૂપિયા લીધા હતાં. સી. મહારાજાએ હોટલ માલિકને કહ્યું હતું કે, દહીં પર જીએસટી નથી પરંતુ જવાબ મળ્યો કે કોમ્પ્યુટર સોફ્ટવેરમાં જીએસટી લગાવવામાં આવેલ છે.

GST

સી. મહારાજાએ બાદમાં આ બાબત કોમર્શિયલ ટેક્સ વિભાગમાં એસજીએસટીનાં આસિસ્ટન્ટ કમિશ્નર સાથે પણ વાત કરી હતી, પરંતુ કોઇ કાયદેસરની કાર્યવાહી ના થઇ. ત્યાર બાદ મહારાજાએ ઉપભોક્તા ફોરમની ચકાસણી કરી અને હોટલ માલિક વિરૂદ્ધ કેસ દાખલ કર્યો.

આ મામલામાં મંગળવારનાં રોજ થયેલી સુનાવણીમાં ના તો હોટલ માલિક અને ના તો સંબંધિત ઓફિસર રજૂ થયા, જ્યાર બાદ ફોરમે પોતાનો નિર્ણય સંભળાવી દીધો. ફોરમે હોટલનાં માલિકને વધારાનાં લેવામાં આવેલ ચાર રૂપિયા પરત કરવાની સાથે સાથે માનસિક પીડા માટે દસ હજાર રૂપિયા અને કેસ પર કરવામાં આવેલ ખર્ચ પર પાંચ હજાર રૂપિયા આપવા સહિત કુલ 15004 રૂપિયા આપવાનાં આદેશ આપ્યાં છે.

 

જોવા જેવું વધુ જુઓ

બ્રેકિંગ ન્યૂઝ