રાજ્યમાં પેટ્રોલ-ડીઝલના ભાવમાં ફરી વધારો થયો છે, આજે રાજ્યામાં પેટ્રોલના ભાવમાં 34 પૈસાનો તો ડીઝલના ભાવમાં 30 પૈસાનો વધારો કરાયો છે
રાજ્યમાં મોટા શહેરોમાં વધ્યા ઈંધણના ભાવ
વધતા ભાવને લઈ જનતા હેરાન પરેશાન
રાજ્યમાં ફરી વધ્યા પેટ્રોલ ડીઝલના ભાવ
રાજ્યમાં પેટ્રોલ-ડીઝલના ભાવમાં ફરી વધારો થયો છે, આજે રાજ્યામાં પેટ્રોલના ભાવમાં 34 પૈસાનો તો ડીઝલના ભાવમાં 30 પૈસાનો વધારો કરાયો છે. ભાવ વધારો લાગુ થતા આજે અમદાવાદમાં પેટ્રોલનો ભાવ 95.72 રૂપિયાએ પહોંચ્યો છે તો ડીઝલના ભાવ 96.08 રૂપિયાએ પહોંચ્યો છે.
રાજ્યમાં મોટા શહેરોમાં વધ્યા ઈંધણના ભાવ
રાજ્યના મોટા શહેરમાં પણ આ ભાવ વધારો લાગુ જોવા મળી રહ્યો છે. વડોદરા, સુરત, રાજકોટ અને ગાંધીનગરમાં પણ પેટ્રોલ ડીઝલમાં ભાવ વધારો જોવા મળી રહ્યો છે. વડોદરામાં પેટ્રોલનો ભાવ પેટ્રોલનો ભાવ રૂ.95.63 રૂપિયા તો ડીઝલનો ભાવ રૂ.95.99 એ પહોંચ્યો છે.
સુરતમાં પણ વધ્યો પેટ્રોલ ડીઝલનો ભાવ
સુરતમાં પ્રતિ લિટર પેટ્રોલનો ભાવ 96.12 રૂપિયા થયો તો ડીઝલનો ભાવ 95.66 રૂપિયા પ્રતિ લિટર થયો છે. સાથે જ રાજકોટમાં પણ રાજકોટમાં પેટ્રોલનો ભાવ 95.49 રૂપિયા તો ડીઝલનો
ભાવ 95.88 રૂપિયાએ પહોંચ્યો છે જ્યારે ગાંધીનગરમાં પેટ્રોલ 95.92 રૂપિયા મોંઘુ બન્યું છે તો ડીઝલ 96.28 રૂપિયા પ્રતિ લિટર મોંઘુ બન્યું છે.
સામાન્ય માણસ હેરાન પરેશાન
મહત્વનું છે કે છેલ્લા ઘણા દિવસોથી પેટ્રોલ ડીઝલના ભાવ આકાશને આંબી રહ્યા છે જેની જનતાને મોંઘવારીનો માર સહન કરવો પડી રહ્યો છે. પેટ્રોલ ડીઝલના ભાવ વધારોના કારણે સામાન્ય માણસ હેરાન પરેશાન થઈ રહ્યો છે ત્યારે રોજ બદલાતા ભાવમાં સતત વધારો જોવા મળી રહ્યો છે.
આંતરાષ્ટ્રીય સ્તરે વધ્યા ઈંધણના ભાવ
ઈન્ટરનેશનલ માર્કેટમાં કાચા તેલની કિંમતોમાં સતત વધારો જોવા મળી રહ્યો છે. કાચા તેલની કિંમતોની અસર ઘરેલૂ માર્કેટમાં પણ જોવા મળી રહી છે. એક દિવસની સ્થિરતા બાદ પેટ્રોલ અને ડીઝલના ભાવમાં આજે ફરીથી ક્રમશઃ 29 પૈસા અને 24 પૈસા પ્રતિ લિટરનો વધારો થયો છે. આ વધારા બાદ આજે રાજધાનીમાં 1 લિટર પેટ્રોલની કિંમત 98.81 રૂપિયા પ્રતિ લિટર અને ડીઝલની કિંમત 89.91 રૂપિયા પ્રતિ લિટર રહેશે.
શુ છે આજે અન્ય રાજ્યોમાં પેટ્રોલ ડીઝલના ભાવ
આજે દેશમા પણ સતત ભાવ વધારો જોવા મળી રહ્યો છે દેશમાં કેટલાક રાજ્યોમાં ભાવ વધારો 100 રૂપિયાની આસપાસ પહોંચી ગયો છે જ્યારે 4 મે બાદ સતત ઈંધણની કિંમતોમાં વધારો થઈ રહ્યો છે જ્યારે અનેક જગ્યાઓએ પેટ્રોલની કિંમત 105 રૂપિયા સુધી પહોંચી ગઈ છે તો 4 મે બાદ પેટ્રોલ અને ડીઝલની કિમતોમાં સતત થઈ રહેલા વધારાના કારણે અનેક શહેરોમાં પેટ્રોલની કિંમત 100 રૂપિયા પ્રતિ લિટર તો ક્યાંક 105 રૂપિયા પ્રતિ લિટરની થઈ છે. તેમાં જેસલમેર, ગંગાનગર, હૈદરાબાદ, લેહ, બાંસવાડા, ઈન્દોર, જયપુર, ભોપાલ, ગ્વાલિયર, ગુંટુરુ, કકિનાડા, ચિકમંગલુર, શિવમોગા, મુંબઈ, રત્નાગિરી, ઔરંગાબાદ, પટના, લેહનો સમાવેશ થાય છે.
દર રોજ સવારે 6 વાગે બદલાય છે કિંમતો
ઉલ્લેખનીય છે કે દરરોજ સવારે 6 વાગે પેટ્રોલ અને ડીઝલની કિંમતો બદલાય છે. સવારે 6 વાગે નવા ભાવ લાગૂ થઈ જાય છે. પેટ્રોલ તથા ડીઝલના ભાવમાં એક્સાઈઝ ડ્યૂટી, ડીલર કમિશન અને અન્ય વસ્તુઓ જોડ્યા બાદ તેના ભાવ બે ગણા થઈ જાય છે. વિદેશી મુદ્રા દરોની સાથે આંતરરાષ્ટ્રીય બજારોમાં ક્રુડના ભાવ શુ છે. આ આધારે રોજ પેટ્રોલ અને ડીઝલના ભાવમાં ફેરફાર થાય છે. આ માપદંડોના આધાર પર પેટ્રોલ રેટ અને ડીઝલના રેટ નક્કી કરવાનું કામ તેલ કંપનીઓ કરે છે. ડીલર પેટ્રોલ પંપ ચલાવનારા લોકો છે. તે પોતાને રિટેલ કિંમતો પર ઉપભોક્તાઓને અંતમાં ટેક્સ અને પોતાના માંર્જિનને જોડ્યા બાદ પેટ્રોલ વેચે છે. પેટ્રોલ - ડીઝલમાં આ કોસ્ટ પણ જોડાઈ જાય છે.