અમદાવાદ / હત્યા થઈ છે, જો આત્મહત્યા હોત તો ગોળી આડી વાગી હોત, અમદાવાદના કોન્સ્ટેબલની આત્મહત્યા કેસમાં પરિવારજનોનો આક્ષેપ

• કોન્સ્ટેબલના મોત મામલે નવો વળાંક 
• પરિવારજનોએ કર્યા ગંભીર આક્ષેપ 
• પોલીસ કર્મચારી દબાણ કરતા હોવાનો આક્ષેપ 

અમદાવાદના પાલડી પોલીસ સ્ટેશનમાં હેડ કોન્સ્ટેબલ તરીકે ફરજ બજાવતા ઉમેશ ભાટીયાએ આજે સવારના સમયે આપઘાત કરી લીઘો. રિવોવલ્સથી ગોળી મારીને તેમણે મોતને વ્હાલું કરી લીધું હતું. આ મામલે હવે નવો વળાંક સામે આવ્યો છે. જેમા મૃતક પોલીસકર્મીના પરિવારે ગંભીર આક્ષપો કર્યા છે. 

પરિવારજનોએ કર્યા હત્યાના આક્ષેપ 

પરિવારજનોએ એવા આક્ષેપ કર્યા છે કે પોલીસના દબાણમાં આવીને કોન્સ્ટેબલે આપઘાત કર્યો છે. સાથેજ પરિવારે આ હત્યા હોવાનો પણ આક્ષેપ કર્યો છે. મૃતક કોન્સ્ટેબલના પિતાનું કહેવું છે કે જો આત્મહત્યા કરી હોત તો ગોળી માથામાં આડી વાગે. પરંતુ તેના માથામાં ગોળી સીધીજ ગઈ છે. જેથી તેમના પુત્રની હત્યા થઈ છે તેવું તેમનું કહેવું છે. 
 

સોશિયલ મીડિયા પર આવજોની પોસ્ટ 

મૃતક કોન્સ્ટેબલે આપઘાત કરતા પહેલા સોશિયલ મીડિયા પર આવજોની ઈમેજ પણ મુકી છે. રિવોલ્વર વડે કોન્સ્ટેબલે પોતાને ગોળી મારી હોવાનું સામે આવ્યું છે. જોકે આ ઘટના બાદ સ્ટેશનમાં હાજર પોલીસ કર્મીઓએ તેમને તુરંત હોસ્પિટલ ખસેડ્યા. લોહીલુહાણ હાલતમાં તેમને હોસ્પિટલમાં ખસેડવામાં આવ્યા હતા. પરંતુ ત્યા પહોચતાજ હોસ્પિટલમાં હાજર તબીબોએ તેમને મૃત જાહેર કર્યા. 

મોતનું રહસ્ય હજું અકબંધ

આ બનાવને લઈને પોલીસ બેડામાં ખળબડાટ મચી ઉઠ્યો છે. સાથેજ પોલીસ બેડામાં શોકનો માહોલ પણ ફેલાઈ ગયો છે. મૃતક હેડ કોન્સ્ટેબલ ઉમેશ ભાટીયા પાલડી પોલીસ મથકમાં છેલ્લા પાંચ વર્ષથી ફરજ બજાવતા હતા. જોકે તેમના મોત મામલે રહસ્ય હજુ પણ અકબંધ છે સાથેજ પોલીસ પણ આ ઘટનાને લઈને ચોંકી ગઈ છે.  

5 વર્ષથી ફરજ બજાવતા હતા 

ઉલ્લેખનીય છે કે મૃતક કોન્સ્ટેબલે આપઘાત કરતા પહેલા ગુડ મોર્નીંગનું સ્ટેટસ પણ મુક્યું હતું. તેઓ છેલ્લા 5 વર્ષથી પાલડી પોલીસ સ્ટેશનમાં કોન્સ્ટેબલ તરીકે ફરજ બજાવતા હતા. સમગ્ર મામલે પરિવારજનોએ એવા આક્ષેપો કર્યા છે કે પોલીસ કર્મચારીઓના બદાણને કોન્સ્ટેબલે આત્મહત્યા કરી છે. સાથેજ તેમણે હત્યાના આક્ષેપો પણ કર્યા છે.