કચ્છ / 'પાકિસ્તાન પર ATS-કોસ્ટગાર્ડની દરિયાઈ સ્ટ્રાઈક, જેટલું ડ્રગ્સ મોકલશો પકડી પાડીશું' : 280 કરોડના ડ્રગ્સ ઝડપાવા મુદ્દે હર્ષ સંઘવી

• દરિયાઈ માર્ગે ડ્રગ્સનો કાળો કારોબાર
• ગુજરાત પોલીસે ઓપરેશન પાર પાડ્યું
• 280 કરોડના ડ્રગ્સનું પાકિસ્તાન કનેક્શન
• ડ્રગ્સ સાથે 9 લોકોની ધડપકડ
• અફઘાનિસ્તાનથી લવાતું હતું ડ્રગ્સ
• કોને ડિલિવરી આપવાની હતી એ દિશામાં તપાસ

ये पाकिस्तान के ड्रग्स नेटवर्क पर गुजरात पुलिस (ATS), कोस्ट गार्ड, NCB की “दरियाई स्ट्राइक “ है,

“ जितने भेजोगे उतने पकड़ेंगे, वेलकम टू गुजरात जेल… पूरी ज़िंदगी गुजारों काल कोठरी में “

— Harsh Sanghavi (@sanghaviharsh) April 25, 2022

ગૃહમંત્રી હર્ષ સંઘવીએ ટ્વિટ કરીને ડ્રગ્સ મામલે ટ્વિટ કર્યું 

ગુજરાત ATSની ટીમે ગતરાત્રે ઈન્ડિયાન કોસ્ટ ગાર્ડ સાથે મળીને કચ્છના દરિયામાં એક ઓપરેશન પાર પાડ્યું. ત્યારે રાજ્યના ગૃહમંત્રી હર્ષ સંઘવીએ આ મામલે પોતાની પ્રતિક્રિયા આપતું ટ્વિટ  કરતાં જણાવ્યું કે, જેટલું ડ્રગ્સ મોકલશો તેટલું પકડી પાડીશું. પાકિસ્તાનની ડ્રગ્સ માફિયા પર અમારી એજન્સીની નજર છે.

DGP આશિષ ભાટીયાની પત્રકાર પરિષદ આપી જાણકારી 

ગુજરાત ATSની ટીમે ગતરાત્રે ઈન્ડિયાન કોસ્ટ ગાર્ડ સાથે મળીને કચ્છના દરિયામાં એક ઓપરેશન પાર પાડ્યું. જેમાં એક બોટને ટ્રેસ કરીને તપાસ કરતા તેમાંથી 280 કરોડ રૂપિયાનું ડ્રગ્સ ઝડપી પાડ્યું છે. આ ડ્રગ્સ રેકેટ પાછળ પાકિસ્તાનનું કનેક્શન હોવાનો ખુલાસો થયો છે. કારણકે અલહજ નામની જે બોટમાંથી અલગ અલગ 58 બેગમાંથી ડ્રગ્સ મળી આવ્યું છે જે બોટ પાકિસ્તાનની છે. 

માલ ક્યાંથી આવતો હતો, ક્યાં જવાનો હતો એ તપાસમાં ખુલશેઃDGP

આટલું જ નહીં તેમાં સવાર 9 લોકો પણ પાકિસ્તાની હોવાનું સામે આવ્યું છે. આ ડ્રગ્સ રેકેટનો માસ્ટર માઈન્ડ ગણાતો મુસ્તફા નામના સ્મગલર અફઘાનિસ્તાનથી ડ્રગ્સ લાવીને પાકિસ્તાનના કરાચી બંદર મારફતે ભારતમાં સપ્લાય કરવાની વાત સામે આવી છે. ગુજરાત પોલીસ હવે એ દિશામાં તપાસ કરી રહી છે કે આટલા મોટા પ્રમાણમાં ડ્રગ્સની ખરીદી કોણ કરી રહ્યું હતું?.આ ડ્રગ્સ કોને, કેવી રીતે અને ક્યાં પહોંચાડવાનું હતું?

ક્યારે કેટલું ડ્રગ્સ ક્યાંથી પકડાયું અને તેની કિંમત કેટલી ?

- 16 સપ્ટેમ્બર 2021, કચ્છના મુંદ્રા પોર્ટ પરથી 3 હજાર કરોડનું ડ્રગ્સ જપ્ત
- 23 સપ્ટેબર 2021, પોરબંદરના દરિયામાંથી 150 કરોડનું ડ્રગ્સ જપ્ત
- 24 સપ્ટેબર 2021, સુરતથી 10 લાખ રૂપિયાનું ડ્રગ્સ ઝડપાયું
- 27 સપ્ટેબર 2021, બનાસકાંઠાથી 26 લાખનું ડ્રગ્સ ઝડપાયું
- 10 ઓક્ટોબર 2021, સાબરકાંઠાથી 384 ગ્રામ MD ડ્રગ્સ ઝડપાયું
- 12 ઓક્ટોબર 2021, બનાસકાંઠામાંથી 117 ગ્રામ ડ્રગ્સ ઝડપાયું
- 24 ઓક્ટોબર 2021, અમદાવાદમાંથી 25 લાખનું ડ્રગ્સ ઝડપાયું
- 10 નવેમ્બર 2021, સુરતમાંથી 5.85 લાખનું ડ્રગ્સ ઝડપાયું
- 10 નવેમ્બર 2021, દ્વારકામાંથી 65 કિલોનું ડ્રગ્સ ઝડપાયું
- 15 નવેમ્બર 2021, મોરબીમાંથી 600 કરોડનું ડ્રગ્સ ઝડપાયું
- 13 ફેબ્રુઆરી 2022, અરબી સમુદ્રમાંથી 800 કિલો ડ્રગ્સ ઝડપાયું
- 03 માર્ચ 2022, અમદાવાદ એરપોર્ટ પરથી 60 કરોડની કિંમતનું ડ્રગ્સ ઝડપાયું
- 21 એપ્રિલ 2022, કંડલા પોર્ટ પરથી 250 કિલો ડ્રગ્સ ઝડપાયું
- 23 એપ્રિલ 2022, વડોદરામાંથી 7 લાખથી વધુનું ડ્રગ્સ ઝડપાયું
- 25 એપ્રિલ 2022, 280 કરોડનું ડ્રગ્સ ઝડપાયું