ચેતવણી / સરકારી એજન્સીના નામે આ ID પરથી આવતા ઈ-મેઈલ ન ખોલો, નહીંતર બેંકના ખાતામાંથી પૈસા જતા રહેશે

• સરકારની ચેતવણી: [email protected] જેવા ID પરથી આવેલા ઈમેઈલ ન ખોલો
• નાણાકીય મદદ પુરી કરનારા સરકારી વિભાગો, એજન્સીઓ અને સંસ્થાઓના નામ પર થઈ શકે છે ફ્રોડ
• આ પરિસ્થિતિમાં આત્યંતિક સાવચેતી રાખવી જરૂરી છે.

ભારતના સાયબર સિક્યુરિટીની નોડલ એજન્સી સીઈઆરટી-ઈનએ બેંક ખાતાઓમાં ઓનલાઇન ફિશિંગની સંભાવનાને ધ્યાનમાં રાખીને એડવાઈઝરી જારી કરી છે. તેમાં જણાવ્યું છે કે સંભાવિત સાઈબર અટેક કરનારા ઠગ પોતાને સરકારી વિભાગો, સંસ્થાઓ અને વ્યવસાયિક સંસ્થાઓ સાથે સંકળાયેલા હોવાનો દાવો કરી તમારી વ્યક્તિગત માહિતી ચોરી રહ્યા છે.

શુક્રવારે બહાર પાડવામાં આવેલી આ એડવાઈઝરીમાં ખાસ જણાવવામાં આવ્યું  છે કે ઠગ પોતાને એવી સંસ્થાઓ અથવા સંગઠનો તરીકે બતાવી શકે છે કે જે સરકારી નાણાકીય સહાયનું વિતરણ કરે છે. એડવાઈઝરીમાં '[email protected]' જેવા ઇમેઇલ આઈડી સાથે ખાસ કરીને સાવચેત રહેવાની સૂચના આપીને તેને ન ખોલવાની સૂચના અપાઈ છે.

આ રીતે થઈ શકે છે સાયબર એટેક 

એડવાઈઝરી અનુસાર સાયબર ક્રિમિનલ વાયરસ ધરાવતો ઇમેઇલ મોકલી શકે છે. પોતાને કોવિડ -19 માટે સરકારી રાહત આપતા અધિકારી તરીકે વર્ણવે છે. આવા ઇમેઇલ્સ તમને બનાવટી વેબસાઇટ પર લઈ જશે. ત્યાં તમને ફાઇલ ડાઉનલોડ કરવા અથવા વ્યક્તિગત અથવા નાણાકીય માહિતી ભરવાનું કહેવામાં આવશે.

જો તમે તેના પર તમારી માહિતી ભરી દીધી છે. તો પછી તમે છેતરપિંડીનો ભોગ બની શકો છો. સરકારે કહ્યું છે કે ઓનલાઇન ઠગ પાસે 20 લાખથી વધુ લોકોના અંગત ઇમેઇલ આઈડી હોવાની શંકા છે. ' ઠગોના ઈમેઈલ  ફ્રી કોવિડ -19 ટેસ્ટિંગ ફોર ઓલ રેજીડેન્સ ઓફ દિલ્હી, મુંબઇ, હૈદરાબાદ, ચેન્નાઈ અને અમદાવાદની સબ્જેક્ટ લાઇન સાથે ઇ-મેલ આવી શકે છે. આ પરિસ્થિતિમાં આત્યંતિક સાવચેતી રાખવી જરૂરી છે.