સાનુકૂળ / કેવડિયા જંગલ સફારીમાં અપ્લાકા, બ્લેક સ્વાન, કોટન ટોપ ટેમરિન અને સ્પિરલ મન્કીના પરિવારમાં વધારો

• કેવડિયામાં વન્યજીવોનું સંરક્ષણ અને સંવર્ધન
• જંગલ સફારીનું વાતાવરણ પ્રાણીઓને અનુકૂળ, વસ્તીમાં વધારો
• જંગલ સફારીના પ્રાણીઓની વસ્તીમાં વધારો

કેવડિયાની જંગલ સફારી માત્ર પ્રવાસીઓના મનોરંજનનું સ્થળ ન બની રહેતાં હવે તે વન્યજીવોના સંરક્ષણ અને સંવર્ધનનું સ્થળ બન્યું છે.સતત પ્રાણીઓની દેખરેખ અને કાળજી રાખનાર સફારીના કર્મયોગી એવા એનિમલ કીપર અને તબીબો તરફથી યોગ્ય માવજતને કારણે આ સ્થળે અલ્પાકાનું પ્રજનન,ગર્ભાધાન અને બાળ જન્મ,આ બધું શક્ય બન્યું છે

વન્યજીવોના સંરક્ષણ પ્રાથમિકતા
કેવડિયા જંગલ સફારી પાર્ક માં પ્રાણીઓ ના પરિવારમાં વધારો થયો છે અલ્પાકા,બ્લેક સ્વાન,કોટન ટોપ ટેમરિન અને સ્પિરલ મન્કી ના પરિવાર માં બચ્ચાઓનો  જન્મ થયો છે. ગુજરાતીમાં કહેવત છે કે જંગલમાં મંગળ.બીજું કે માનવ,પક્ષી કે પ્રાણીના ખોરડે હોય બાળ જન્મ આનંદનો પ્રસંગ ગણાય છે. કેવડિયાના ખાસ આકર્ષણોમાં જેનો સમાવેશ થાય છે એવી જંગલ સફારીમાં થી આવા જ એક આનંદ અંને મંગળના સમાચાર આવ્યા છે. અહીં વસી રહેલા  દક્ષિણ અમેરિકાના મૂળ વતની અલ્પાકા ને ત્યાં પારણું બંધાયું છે. અગાઉ આ પ્રકારના પ્રાણી સંગ્રહાલયો ફક્ત પક્ષી/ પ્રાણી સૃષ્ટિના દર્શન સ્થળો હતાં.હવે અભિગમ બદલાયો છે અને તે પ્રમાણે ગુજરાત માટે નવલા નજરાણા જેવી કેવડિયાની જંગલ સફારી  માત્ર પ્રવાસીઓના મનોરંજનનું સ્થળ ન બની રહેતાં  હવે તે વન્યજીવોના સંરક્ષણ અને સંવર્ધનનું સ્થળ બન્યું છે.

પ્રાણીઓની વસ્તીમાં વધારો
સતત પ્રાણીઓની દેખરેખ અને કાળજી રાખનાર સફારીના કર્મયોગી એવા એનિમલ કીપર અને તબીબો તરફથી યોગ્ય માવજતને કારણે આ સ્થળે અલ્પાકા નું પ્રજનન,ગર્ભાધાન અને બાળ જન્મ,આ બધું  શક્ય બન્યું છે.યાદ રહે કે આ પ્રાણીને ખૂબ સુરક્ષિત, વિશ્વસનીય અને પ્રેમાળ વાતાવરણ મળે તો જ પ્રજનન અને ગર્ભાધાન સુધી વાત પહોંચે છે.ઊંટના કુળના આ પ્રાણી દંપતીને સંતાન પ્રાપ્તિ થી જંગલ સફારીના છોગામાં જાણે કે એક પીંછુ ઉમેરાયું છે. જંગલ સફારીનું વાતાવરણ પ્રાણીઓને અનુકૂળ આવતા પ્રાણીની વસ્તીમાં વધારો નોંધાઈ રહ્યો છે.આ બચ્ચાના જન્મ સાથે જ જંગલ સફારીમાં અલ્પાકાની સંખ્યા હવે 4 થઈ છે અલ્પાકા ની સાથે સાથે બ્લેક સ્વાન કે જે ખુબ રેર કેસ માં ઈંડા મુકતા હોઈ છે તેમને પણ બચ્ચાં ને જન્મ આપ્યો છે જયારે સ્પિરલ મન્કી અને કોટન ટોપ ટેમરિન જેને પોકેટ મન્કી પણ કહેવામાં આવે છે તેમને પણ બચ્ચાઓ ને જન્મ આપ્યો છે