તિહાડની જેલમાં બંધ કુખ્યાત ઠગ સુકેશ ચંદ્રશેખરે પોતાના બર્થ ડેના અવસર પર એક્ટ્રેસ જેકલીન ફર્નાંડિસને પત્ર લખ્યો છે. તેમાં તેણે ફિલ્મ અભિનેત્રી માટે પોતાના દિલની ફિલિંગ્સ વ્યક્ત કરવામાં કોઈ કસર નથી છોડી.
તિહાડ જેલમાંથી સુકેશે જેકલીનને લખ્યો પત્ર
પોતાની ફિલિંગ્સ કરી શેર
કહ્યું 'તારા દિલમાં શું છે એ મને ખબર છે
200 કરોડ રૂપિયાના મની લોન્ડ્રિંગ કેસમાં ફસાયેલા તિહાડ જેલમાં બંધ ઠગ સુકેશ ચંદ્રશેખરે પોતાના જન્મદિવસના અવસર પર ફિલ્મ એક્ટ્રેસ જેકલીન ફર્નાંડિસને પત્ર લખ્યો છે. સુકેશે પોતાના પત્રમાં જેરલીનને કહ્યું "માય બુમ્મા, હું તમને જન્મદિવસના અવસર પર ખૂબ જ વધારે મિસ કરી રહ્યો છું."
સુકેશે કહ્યું કે, "મારી પાસે કોઈ શબ્દ નથી. પરંતુ હું જાણું છું કે મારા માટે તારો પ્રેમ ક્યારેય ખતમ નહીં થાય, આ ફક્ત મારા માટે છે." સુકેશ ચંદ્રશેખરે પત્રમાં કહ્યું કે, "મેં તારી ઉર્જાને મારી આસ-પાસ મિસ કરી રહ્યો છું."
'મને ખબર છે તારા દિલમાં શું છે': સુકેશ
સુકેશ ચંદ્રશેખરે જેકલીન ફર્નાડિસને લખેલા પત્રમાં કહ્યું કે "મને ખબર છે કે તારા દિલમાં શું છે. મને કોઈ પુરાવાની જરૂર નથી." સુકેશ ચંદ્રશેખરે પત્રમાં લખ્યું કે, "તને ખબર છે કે હું તમને કેટલો પ્રેમ કરૂ છું. મારી બોટા બુમ્મા."
સુકેશે આગળ લખ્યું, "તુ અને તારા પ્રેમની કોઈ કિંમત નથી. મારા જીવનનું સૌથી સારૂ ગિફ્ટ આજ છે. લવ યુ માય બેબી, તારૂ દિલ મને આપવા માટે ધન્યવાદ" સુકેશ ચંદ્રશેખર સાથે જોડાયેલા કરોડો રૂપિયાના ઠગના મામલામાં જેકલીન ફર્નાંડીઝ પાસે પણ પુછપરછ થઈ ચુકી છે. પરંતુ તેણે પોતાને તેમાં શામેલ થવાનો ઈનકાર કર્યો છે.
પહેલા પણ સુકેશે લખ્યો છે પત્ર
સુકેશ ચંદ્રશેખરે આ મહિનાની શરૂઆતમાં પણ જેકલીન ફર્નાડિસને પત્ર લખ્યો હતો. તેમણે જેકલીન ફર્નાડિઝન માટે હોળીની શુભકામના અને એક લવ નોટની સાથે મીડિયાને એક નિવેદન જાહેર કર્યું હતું. આ ઠગની 200 કરોડ રૂપિયાના મની લોન્ડ્રિંગ કેસમાં ધરપકડ કરવામાં આવી છે.