દિલ્હી / કોંગ્રેસ વર્કિંગ કમિટીની બેઠકઃ સોનિયા અને રાહુલ ગાંધીએ ચૂંટણી પ્રક્રિયાથી પોતાને કર્યા અલગ

કોંગ્રેસની CWCની બેઠક દિલ્હી ખાતે ચાલી રહી છે. જેમાં પાર્ટીના નવા અધ્યક્ષને લઇને નિર્ણય લેવામાં આવી શકે છે. પાર્ટી નેતા મનુ સિંઘવીએ જણાવ્યું હતું કે પાર્ટી અધ્યક્ષની ચૂંટણી મોડી કરવાને લઇને હવે કોઇ કારણ નથી.

કોંગ્રેસની CWCની બેઠકમાં પાર્ટીના સસંદીય દળના નેતા સોનિયા ગાંધી, પૂર્વ વડાપ્રધાન મનમોહન સિંહ, અધ્યક્ષ પદ પરથી રાજીનામું આપેલ રાહુલ ગાંધી, પાર્ટીના મહાસચિવ પ્રિયંકા ગાંધી, વરિષ્ઠ નેતા અહેમદ પટેલ, એકે એન્ટની, ગુલામ નબી આઝાદ, મલ્લિકાર્જૂન ખડગે સહિત કેટલાક પ્રદેશ અધ્યક્ષ અને કેટલાંક નેતાઓ સામેલ છે. એક મળતાં અહેવાલ મુજબ પ્રિયંકા ગાંધીને અધ્યક્ષ બનાવાને લઇને અટકળો તેજ જોવા મળી રહી છે. 

CWCની બેઠકમાં રાહુલ ગાંધીના રાજીનામાં બાદ  અધ્યક્ષની નિમણૂંક પાર્ટી માટે એક મોટો પડકાર છે. જો કે સૂત્રોને મળતી માહિતી મુજબ ગાંધી પરિવાર દિગ્ગજ નેતાને કાર્યકારી અધ્યક્ષ તરીકે નિમણૂંક કરવા ઇચ્છે છે જેને સંગઠનનો બહોળો અનુભવ હોય. જેમાં મુકુલ વાસનિક કાર્યકારી અધ્યક્ષની દોડમાં સૌથી આગળ જોવા મળી રહ્યાં છે. મુકુલ વાસનિક લાંબા સમય સુધી સતત કોંગ્રેસના મહાસચિવ રહ્યાં છે.

Delhi: Congress Working Committee (CWC) meeting underway at party office. pic.twitter.com/2RbzDziJXo

— ANI (@ANI) August 10, 2019

ઉલ્લેખનીય છે કે પાર્ટીના હવે પછીના અધ્યક્ષ હવે ગાંધી પરીવારમાંથી કોઇ નહીં હોય. પૂર્વ અધ્યક્ષ રાહુલ ગાંધીએ આ અંગે જણાવ્યું હતું કે તેમના પરિવારમાંથી અધ્યક્ષ પદને લઇને કોઇ ઉમેદવાર નથી. સોનિયા ગાંધી 1998માં અધ્યક્ષ બન્યાં હતા અને તેઓ 2017 સુધી પદભાર સંભાળ્યો હતો. ગાંધી પરીવાર તરફથી સૌથી ઓછું રાહુલ ગાંધી 20 મહીના સુધી કોંગ્રેસ અધ્યક્ષ રહ્યાં.