રાજનીતિ / પેટાચૂંટણી પહેલાં ભાજપનું ટૅન્શન વધ્યું, કોંગ્રેસે આજે 4 નગરપાલિકાઓ ભાજપ પાસેથી આંચકી

• રાજ્યમાં છેલ્લા 2 દિવસમાં કોંગ્રેસે 6 નગરપાલિકા ભાજપ પાસેથી આંચકી 
• ભાજપની ચિંતામાં થયો વધારો 

પ્રાપ્ત થતી જાણકારી પ્રમાણે, ધોરાજી વિધાનસભા ક્ષેત્રની ધોરાજી, ઉપલેટા, ભાયાવદર અને થરાદ નગર પાલિકા બેઠક પર જીત હાંસલ કરી છે. કોંગ્રેસની આ રીતે જીતને પગલે ભાજપની ચિંતામાં વધારો થયો છે. 

धोराजी विधानसभा क्षेत्र की धोराजी,उपलेटा और भायावदर नगरपालिका के अध्यक्ष और उपाध्यक्ष के चुनाव में विजयी बने @INCGujarat प्रत्याशीयों को बधाई।

स्थानीय विधायक @LalitVasoya के नेतृत्व में सभी नगरपालिका सदस्यों का धन्यवाद।

— Rajeev Satav (@SATAVRAJEEV) August 25, 2020

ગઇકાલે પણ થઇ હતી નવા-જુની 

आज थराद नगरपालिका के अध्यक्ष और उपाध्यक्ष के चुनाव में दोनों पद भाजपा को परास्त कर @INCGujarat के दोनों प्रत्याशी विजयी हुए।

मैं दोनों विजयी उम्मीदवार,नगरपालिका के सभी सदस्यों और स्थानीय विधायक व @IYCGujarat अध्यक्ष @GulabsinhRajput को बधाई देता हूँ।

— Rajeev Satav (@SATAVRAJEEV) August 25, 2020

ઉલ્લેખનીય છે કે, ગઇકાલે વિસાવદર નગરપાલિકા પર 22 વર્ષ પછી ભાજપનું શાસન આવ્યું છે. ત્યારે બીજી તરફ તળાજા અને ખેડબ્રહ્મા નગરપાલિકા ભાજપ પાસેથી કોંગ્રેસે છીનવી લીધી છે. ગુજરાતમાં આજે અનેક પાલિકાઓની અઢી વર્ષની ટર્મ પૂરી થતાં ફરીથી પ્રમુખ અને ઉપપ્રમુખની ચૂંટણી યોજવામાં આવી હતી. ત્યારે ભાજપ માટે બે પાલિકાથી માઠા સમાચાર સામે આવ્યા છે. ખેડબ્રહ્મા પછી ભાવનગરમાં તળાજા પાલિકા પણ કોંગ્રેસે ભાજપ પાસેથી આંચકી લીધી છે. તળાજા પાલિકામાં 25 વર્ષ પછી કોંગ્રેસે સત્તા હાંસલ કરી છે.

ખેડબ્રહ્મા નગરપાલિકામાં કોંગ્રેસની જીત

હાલમાં ચાલી રહેલા સાર્વત્રિક વરસાદના પગલે ખેડબ્રહ્મા નગરપાલિકામાં કોંગ્રેસની જીત થઇ છે. જેમાં અગાઉ ભાજપનું શાસન હતું. સાબરકાંઠામાં ત્રણ પાલિકામાંથી બે ભાજપ અને એક કોંગ્રેસ પાસે છે. આમ ભાજપના સભ્યએ બળવો કરતાં કોંગ્રેસને સતા મળી છે.

તળાજા નગરપાલિકાના પ્રમુખ-ઉપપ્રમુખની ચૂંટણી

જ્યારે સૌરાષ્ટ્રના અન્ય એક ભાવનગર જિલ્લાની તળાજા નગરપાલિકામાં પણ ઉલટફેર જોવા મળ્યો છે. ભાજપના અસંતુષ્ટોને કોંગ્રેસે ટેકો આપી નગરપાલિકા હસ્તગત કરી છે. જેમાં પ્રમુખ તરીકે વિનુભાઇ વેગડ, ઉપપ્રમુખ તરીકે શક્તિસિંહ વાળા ચૂંટાયાં છે. ભાજપે જેમના નામ મેન્ડેટ આપેલા તે બંને સભ્યોનો એક-એક મતથી પરાજય થયો છે. 

વિસાવદર નગરપાલિકાના પ્રમુખ-ઉપપ્રમુખની ચૂંટણી

જૂનાગઢ જિલ્લાની વિસાવદર નગરપાલિકામાં પણ ઉલટફેર જોવા મળ્યો છે. જેમાં વિસાદવર નગરપાલિકામાં 22 વર્ષ પછી ભાજપનું શાસન જોવા મળ્યું છે. કોંગ્રેસના 2 સભ્યોએ ભાજપને સમર્થન આપ્યું છે. જેમાં નગરપાલિકાના પ્રમુખ તરીકે કૌશિક વાઘેલાની વરણી કરવામાં આવી છે. આમ હર્ષદ રિબડિયાના ગઢમાં ગાબડુ જોવા મળ્યું છે.