એક્શન મોડમાં / પશ્ચિમી યુપીમાં ગુમાવેલો જનાધાર પાછો મેળવવા કોંગ્રેસ શરુ કરશે આ અભિયાન

• ખેડૂત આંદોલનનો ગઢ ગણાતા જિલ્લામાં કોંગ્રેસનું ખાસ ધ્યાન 
• કૃષિ કાયદા વિરુદ્ધનું ખેડૂત આંદોલનનો લાભ લેવા કોંગ્રેસની ખાસ તૈયારી 
• કોંગ્રેસે  જય જવાન, જય કિશાન અભિયાનની રુપરેખા તૈયાર કરી છે. 

કોંગ્રેસના જય જવાન, જય કિશાન અભિયાનમાં મુખ્યત્વે એવા જિલ્લા પર ધ્યાન કેન્દ્રીત કરવામાં આવશે કે જ્યાં ખેડૂત રાજકારણનો આધાર રહ્યાં છે. આ જિલ્લામાં ખેડૂત આંદોલનનો ઘણો પ્રભાવ રહ્યો છે. સહારનપુર, શામલી, મુઝફ્ફરનગર, બાગપત, મેરઠ, બિજનોર, હાપુડ, બુલંદશહેર, અલીગઢ, હાથરસ, મથુરા, આગરા, ફિરોઝાબાદ, બદાયુ, બરેલી, રામપુર, પીલીભીત, લખીમપુર ખીરી, સીતાપુર, હરદોઈ સહિત 27 જિલ્લામાં કોંગ્રેસના આ અભિયાનનો પ્રારંભ થઈ રહ્યો છે. પ્રિયંકા ગાંધી સહિત તમામ વરિષ્ઠ નેતાઓ અભિયાનમાં ભાગ લેશે. 

પ્રિયંકા ગાંધી 10 ફેબ્રુઆરીએ સહારનપુરમાં જય જવાન, જય કિશાન અભિયાનના શ્રીગણેશ કરાવશે. 

કોંગ્રેસ મહાસચિવ પ્રિયંકા ગાંધી 10 ફેબ્રુઆરીએ સહારનપુરમાં જય જવાન, જય કિશાન અભિયાનના શ્રીગણેશ કરાવશે. દશ દિવસીય જય જવાન, જય કિશાન અભિયાનમાં યુપી સહિત દેશના મોટા કોંગ્રેસ નેતાઓ સામેલ થશે. નિર્મલ ખત્રી, પ્રમોદ તિવારી, હરેન્દ્ર મલિક, ઈમરાન મસૂદ, રાજબબ્બર, દિપકસિંહ, સિદ્દીકી, રાકેશ સચાન, પ્રદિપ આદિત્ય જૈન, સચિન પાઈલટ, રણદીપ સુરજેવાલા, નવજોત સિદ્ધુ, મીમ અફઝલ, સહિતના તમામ કોંગ્રેસ નેતાઓ જિલ્લા પ્રમાણે અભિયાનમાં ભાગ લેશે. 

 પ્રદેશ કોંગ્રેસ અધ્યક્ષ  અજય કુમાર લલ્લુ અને વિધાન પરિષદના નેતા આરાધના મિશ્રા પણ જુદાજુદા જિલ્લામાં ભાગ લેશે.