ચૂંટણી / દિલ્હીમાં કોંગ્રેસ એકલા હાથે લડશે, રાહુલ ગાંધીએ કર્યો નિર્ણય

કોંગ્રેસે દિલ્હીની 7 સીટો પર ઉમેદવારોના નામ પણ નક્કી કર્યા છે.  ત્યારે હવે કોંગ્રેસ ઈલેક્શન કમિશનની બેઠક બાદ ઉમેદવારોના નામની જાહેરાત થશે એવું પણ સુત્રો દ્વારા જાણવા મળ્યું છે. 

ગઈ કાલે રાત્રે દિલ્હીમાં કોંગ્રેસની બેઠક યોજાઈ હતી. દિલ્હીના પૂર્વ સીએમ શિલા દિક્ષિતના નિવાસ સ્થાને સ્ક્રીનીંગ કમિટિની બેઠક યોજાઈ હતી. જેમાં પી.સી.ચાકો અને કે.સી.વેણુગોપાલ પણ હાજર રહ્યા હતા.
 

ઉલ્લેખનીય છે કે, અગાઉ શરદ પવારની મધ્યસ્થીમાં રાહુલ ગાંધી અનવે અરવિંદ કેજરીવાલ વચ્ચે બેઠક મળી હતી. તો બીજી તરફ, શિલા દિક્ષિત આપ સાથે ગઠબંધનની વિરૂદ્ધમાં હોય તેવું પણ લાગી રહ્યું છે. તો શિલા દિક્ષિતનું કહેવું છે કે, આપ સાથે ગઠબંધનને લઈને એકાદ દિવસમાં સ્થિતિ સ્પષ્ટ થઈ જશે.