ચૂક / અલ્પેશનું ધારાસભ્ય પદ રદ કરવા મથી રહેલી કોંગ્રેસ ઊંઘતી ઝડપાઇ, આ કામ હજુ બાકી

અલ્પેશ ઠાકોર મુદ્દે ગુજરાત કોંગ્રેસ નિંદ્રામાં હોય તેવું લાગી રહ્યું છે. કોંગ્રેસની વેબસાઇટ પર અલ્પેશ ઠાકોર હજુ હોદેદાર અને ધારાસભ્ય તરીકે જોવા મળી રહ્યા છે. નવી બનેલી કોંગ્રેસની વેબસાઇટ પર હજુ પણ અલ્પેશ ઠાકોર નજરે પડી રહ્યા છે. 

એક તરફ અલ્પેશના સસ્પેન્શન મામલે કોંગ્રેસ હાલમાં એડીચોટીનું જોર લગાવી રહી છે ત્યારે બીજી બાજુ પોતાની જ વેબસાઇટમાં અલ્પેશ કોંગ્રેસના સેક્રેટરી પદે જોવા મળી રહ્યા છે. ત્યારે કોંગ્રેસના ધારાસભ્ય પદે પણ અલ્પેશ ઠાકોર વેબસાઇટ પર હાજર છે. અલ્પેશના બળવા પછી પણ કોંગ્રેસનું તંત્ર કુંભકર્ણની ઊંઘમાં જોવા મળ્યું છે.

મહત્વનું છે કે, બીજી બાજુ રાધનપુરનાં ધારાસભ્ય અલ્પેશ ઠાકોરનું સભ્ય પદ રદ કરવા માટે કોંગ્રેસે વિધાનસભાના અધ્યક્ષને રજૂઆત કરી હતી. અલ્પેશ ઠાકોરનુ પદ રદ્દ કરવાની માગ કરી હતી. ત્યારે હજુ સુધી આ અંગે કોઈ જ કાર્યવાહી નાં થતા વિધાનસભાના દંડક અશ્વિન કોટવાલે અલ્પેશ ઠાકોરને બચાવવા માટે કરામત કરાતી હોવાનો આક્ષેપ કર્યો છે.