લોકસભાની ચૂંટણી પહેલા કોંગ્રેસ મુશ્કેલીમાં; શહેરી વિસ્તારની બેઠકો માટે ના મળ્યા ઉમેદાવારો!

અમદાવાદઃ લોકસભાની ચૂંટણી પહેલા કોંગ્રેસની મુશ્કેલીમાં વધારો થયો છે. શહેરી વિસ્તારની બેઠકો માટે ઉમેદવારોના નામ ન મળતા કોંગ્રેસ મુશ્કેલીમાં મુકાઈ ગઈ છે. કોંગ્રેસની ત્રણ દિવસીય સમીક્ષા બેઠકમાં લોકસભાના ઉમેદવારો પર ચર્ચા થઈ હતી.

26 લોકસભા બેઠકોના સામાજિક રાજકીય સમીકરણો અંગે ચર્ચા થઇ હતી. રાજીવ સાતવની ઉપસ્થિતિની બેઠકમાં સ્થાનિક નેતાઓ અને હોદ્દેદારોએ અલગ અલગ નામ રજૂ કર્યા હતા.

મોટાભાગની બેઠકો પર ત્રણ ચાર સભ્યોના નામ પર ચર્ચા થઈ હતી. કેટલીક બેઠકો પર એક બે નામોની સહમતી સધાઈ હતી.

શહેરી વિસ્તારની અમદાવાદ પૂર્વ અમદાવાદ પશ્વિમ વડોદરા રાજકોટ ભાવનગર સુરત અને નવસારી લોકસભા બેઠકોના ઉમેદવારો કરતા સંગઠનને મજબૂત કરવા પર ચર્ચાઓ કરાઈ હતી.

ત્યારે સવાલો ઉપજે છે કે શહેરી બેઠકો માટે નથી મળતા ઉમેદવારો? કોંગ્રેસને કેમ ન મળ્યા ઉમેદવારો? દિગ્ગજોની નારાજગી વચ્ચે દાવેદારીમાં દાવ થયો? શહેરી બેઠકો માટે કોંગ્રેસ ઉમેદવારો શોધી શકશે? ચૂંટણી પહેલા કોંગ્રેસ પક્કડ મજબૂત કરી શકશે?

સંભવિત ઉમેદવારો

મહેસાણાઃ
બળદેવજી ઠાકોર 
ભાજપના ઉમેદવારના આધારે પટેલ અથવા OBC નેતા 

બનાસકાંઠાઃ
ગોવાભાઈ રબારી ગુલાબસિંહ રાજપૂત 
જોઈતાભાઈ પટેલ દિનેશ ગઢવી 

સાબરકાંઠાઃ
મધુસુદન મિસ્ત્રી ડાહ્યાભાઈ પટેલ 
અશ્વિન કોટવાલ 

પાટણઃ
જગદીશ ઠાકોર અલ્પેશ ઠાકોર 

સુરેન્દ્રનગરઃ
સોમાભાઈ પટેલ અથવા અન્ય કોળી નેતા 

કચ્છઃ
નરેશ મહેશ્વરી મનિષ ચાવડા 
જો કોંગ્રેસ અપક્ષ સાથે ગઠબંધન કરે તો જિગ્નેશ મેવાણી 

જામનગરઃ
વિક્રમ માડમ હેમંત ખાવા મેરામણ ગોરીયા 

અમરેલીઃ
જેનીબેન ઠુમ્મર કોકીલાબેન કાકડીયા 

જૂનાગઢઃ
પુંજાભાઈ  વંશ હર્ષદ રીબડીયા અથવા કોળી નેતા 

બારડોલીઃ
તુષાર ચૌધરી  

ભરૂચઃ
હાઈકમાન્ડ નક્કી કરે તો અહમેદ પટેલ  

વલસાડઃ
કિશન પટેલ જીતુ ચૌધરી અનંત પટેલ 

પંચમહાલઃ
રાજેન્દ્રસિંહ પટેલ વેચાટ ખાંટ 

દાહોદઃ
પ્રભાબહેન તાવીયાડ 

છોટાઉદેપુરઃ
રણજીત રાઠવા ધીરૂભાઈ ભીલ 
રાજેન્દ્રસિંહ રાઠવા સુખરામ રાઠવા 

ખેડાઃ
નટવરસિંહ ઠાકોર નટવરસિંહ મહિડા 

આણંદઃ
ભરતસિંહ સોલંકી