ચૂંટણી / ભાજપના ત્રણ દિગ્ગજ નેતાઓની કોંગ્રેસમાં એન્ટ્રી, સૌરાષ્ટ્રના રાજકારણમાં ભડકો

દેવભૂમિ દ્વારકા: લોકસભાની ચૂંટણીને હવે ગણતરીના દિવસો બાકી રહ્યાં છે. ત્યારે દ્વારકા ભાજપમાં ભડકો થયો છે. ભાજપના બે પૂર્વ પ્રમુખ સહિત ત્રણ નેતાઓએ ભાજપનો ખેસ છોડી કોંગ્રેસનો હાથ પકડ્યો છે. 
 
ભાજપના પૂર્વ જિલ્લા પંચાયતના પ્રમુખ લખુભાઇ ગોજિયા અને પૂર્વ તાલુકા પ્રમુખ મસરી ગોરીયાએ ભાજપને અલવીદા કહી દીધી છે.  ભાજપમાંથી પક્ષપલટો કરી આવેલા બાગી નેતાઓએ ભાજપમાં અવગણના થતી હોવાનો આરોપ લગાવ્યો. એટલું જ નહીં ભાજપમાં વ્યાપક પ્રમાણમાં ભ્રષ્ટાચાર થતો હોવાનો આક્ષેપ પણ કર્યો છે. તો ચૂંટણી પ્રચારના રૂપિયા ક્યાંથી આવે છે તે અંગે પણ સવાલો ઉઠાવ્યાં. 

લાખુભાઇ ગોજિયાનો આક્ષેપ છે ભાજપ સરકારમાં ખેડૂતોને અન્યાય અને અવગણના થઇ રહ્યો છે અને આ અંગે વારંવારની રજૂઆત છતાં કોઇ ઉકેલ લવાયો નથી. જેથી આખરે કંટાળી તેમને કોંગ્રેસનો હાથ પકડ્યો હોવાનું જણાવ્યું.ગુજરાતમા 26 લોકસભા બેઠકની ચૂંટણીની જોરદાર તૈયારી અને પ્રચાર થય રહ્યો છે લોકસભાની ચુટણી પૂર્વે અનેક કોંગ્રેસી ધારાસભ્યો ,જીલ્લા અગ્રણીઓ જ્યારે ભાજપમા જોડાય રહ્યા છે.
 

ત્યારે દ્વારકા જીલ્લામા ઊલટી ગંગા વહી હતી દ્વારકા જીલ્લા ભાજપના ત્રણ પીઢ રાજકીય મોટું કદ ધરાવતા આગેવાનો આજે ભાજપને અલવીદા કહી દીધુ.છેલ્લા 20-25 વર્ષોથી ભાજપની અવિરત સેવા કરનાર આ આગેવાનો આજે કોંગ્રેસ સાથે હાથ મિલાવી લેતા રાજકીય ઉથલપાથલની શરૂઆત જૉવા મળી હતી