ગુજ'રાજ' 2022 / ઓછું મતદાન થતાં કોંગ્રેસ ગેલમાં, પ્રવક્તાએ કરી નાખ્યો મોટો દાવો, કહ્યું ભાજપને નારાજગી નડશે

• ઓછા મતદાનને લઈ કોંગ્રેસ પ્રવક્તા નિદ્દત બારોટનું નિવેદન
• 'ઓછું મતદાન કોંગ્રેસ માટે સકારાત્મક બાબત છે'
• 'શહેરી વિસ્તારમાં ભાજપ સામે લોકોની નારાજગી છે'

વિધાનસભાની ચૂંટણીના પ્રથમ તબક્કામાં અપેક્ષા કરતાં ઓછા મતદાને અનેક રાજકીય પક્ષોની ચિંતાનો પારો હાઈ થયો છે. ચર્ચાઓ એવી પણ ચાલી રહી છે કે એક તરફી ચૂંટણી થવાને કારણે આવું થયું છે અવી પણ ચર્ચા છે કે, આ ચૂંટણીમાં વિપક્ષની ભૂમિકા ખૂબ જ નબળી રહી. જ્યારે સત્તાધારી પક્ષ તરફથી વડાપ્રધાન નરેન્દ્ર મોદી, કેન્દ્રીય ગૃહમંત્રી અમિત શાહ સહિતના કેન્દ્રિય ટીમ ગ્રાઉન્ડ લેવલથી જોરશોરથી પ્રચાર કર્યો છે અને કરી પણ રહ્યાં છે. તેનો સીધો ફાયદો સત્તાધારી ભાજપને મળતો જોવા મળી રહ્યો છે. જો કે, હજુ બીજા તબક્કાનું મતદાન થવાનું બાકી છે. બીજી તરફ કોંગ્રેસ એવું પણ કહી રહી છે કે, ઓછા મતદાન તેમના માટે સકારાત્મ છે. રાજકોટમાં ઓછા મતદાનને લઈ કોંગ્રેસ પ્રવક્તા નિદ્દત બારોટનું નિવેદન સામે આવ્યું છે.

ઓછા મતદાનને લઈ કોંગ્રેસ પ્રવક્તા નિદ્દત બારોટનું નિવેદન
રાજકોટમાં ઓછા મતદાનને લઈ કોંગ્રેસ પ્રવક્તા નિદ્દત બારોટનું નિવેદન સામે આવ્યું છે તેમણે જણાવ્યું કે, ઓછું મતદાન કોંગ્રેસ માટે સકારાત્મક બાબત છે અને આગામી પરિણામ સાથે કોંગ્રેસની સરકાર બનવા જઈ રહી છે તેમણે કહ્યું કે, ભાજપના નેતાઓ અને કાર્યકરો ઘરે જ રહ્યાં છે તેમણે જણાવ્યું છે કે, શહેરી વિસ્તારમાં ભાજપ સામે લોકોની નારાજગી છે અને ગામડામાં કોંગ્રેસ સમર્થિત વોટ મળ્યા છે 

નિદ્દત બારોટનો જીતનો દાવો
તેમણે જણાવ્યું કે, ઓછો મતદાન થવાનું કારણ ભાજપથી લોકોની નારજગી તેમજ કાર્યકર્તાઓની નારજગીથી ઓછું મતદાન થયું છે. તેમણે કહ્યું ભાજપની વિરૂદ્ધ મતદાન કર્યું છે અને ભાજપ કહેતું કે, ભરોસોની ભાજપ પરંતુ કેટલાક લોકોએ મતદાન ન કરીને તેમજ કેટલાક લોકોએ ભાજપ વિરૂદ્ધ મતદાન કરીને પોતાનો પરિવર્તનનો ભરોસો બતાવ્યો છે. તેમણે દાવો કરતા જણાવ્યું કે, આગામી 8 તારિખે પરિણામ બાદ કોંગ્રેસની સરકાર બનશે.

હાલ પરિણામને લઈને કંઈ કહી શકાય નહીં
આવી સ્થિતિમાં પરિણામને લઈને હાલ તો કંઈ કહી શકાય તેમ નથી, પરંતુ પ્રથમ તબક્કાના મતદાનમાં એ તો સ્પષ્ટ થઈ ગયું છે કે જે માહોલ મીડિયામાં દેખાઈ રહ્યો હતો, તે ગુજરાતની જમીન પર ન બની શક્યો. રાજકીય વિશ્લેષકોના મતે આ વખતે ગુજરાતની ચૂંટણીમાં ઓછું મતદાન અણધાર્યું નથી. આવી સ્થિતિની આશંકા પહેલાથી જ હતી. વાસ્તવમાં તેની પાછળ ઘણા કારણો છે, જેના કારણે મતદારો મતદાન મથક તરફ આકર્ષિત ન થઈ શક્યા. ઉલટાનું મતદાન માટે મળેલી રજાઓનો લોકોએ પિકનિક મનાવવા માટે ઉપયોગ કર્યો.

61 ટકા મતદાન
ગુજરાત વિધાનસભાની 89 બેઠકો માટે ગુરુવારે યોજાયેલા પ્રથમ તબક્કાના મતદાનમાં કુલ 61 ટકા મતદાન નોંધાયું છે. 2017ની ચૂંટણીની સરખામણીમાં આ આંકડો ઘણો ઓછો છે. 2017માં અહીં 68 ટકા મતદાન થયું હતું.