IPLIN
 

વિરોધ / કોંગ્રેસના પ્રહાર: ખેડૂત આંદોલનનો બદલો લઈ રહી છે મોદી સરકાર, દરરોજ ભાવ વધારી આપે છે ગુડ મોર્નિંગ ગિફ્ટ

Team VTV 04:37 PM, 02 Apr 22
Follow us
congress said government taking revenge of farmers for protest

દેશમાં સતત વધી રહેલી મોંઘવારી પર કોંગ્રેસ નેતા રણદીપ સુરજેવાલાએ પ્રેસ કોન્ફ્રેંસ કરી હતી. જેમાં તેમણે સરકાર પર આકરાં પ્રહારો કર્યા હતા.

  • મોંઘવારી પર કોંગ્રેસના પ્રહાર
  • મોદી સરકાર આપી રહી છે મોંઘવારીની ગિફ્ટ
  • મોંઘવારી મામલે મોદી સરકાર ધર્મનિરપેક્ષ

દેશમાં સતત વધી રહેલી મોંઘવારી પર કોંગ્રેસ નેતા રણદીપ સુરજેવાલાએ પ્રેસ કોન્ફ્રેંસ કરી હતી. આ દરમિયાન સુરજેવાલાએ કહ્યું કે, મોંઘવારીના કારણે નવા વર્ષમાં એક એપ્રિલથી લોકો પર એક લાખ 25 હજાર 407 કરોડ રૂપિયાનો બોઝ આવ્યો છે. તેમણે કહ્યું કે, સરકાર ખેડૂતોના આંદોલનનો બદલો લઈ રહી છે. ડીએપી ખાતરમાં 50 કિલોની થેલી પર 150 રૂપિયાનો વધારો કર્યો છે. મોદી રોજના પેટ્રોલ અને ડીઝલના ભાવ વધારીને ગુડ઼઼મોર્નિંગ ગિફ્ટ આપી રહ્યા છે. છેલ્લા 12 દિવસમાં 10મી વાર પેટ્રોલ અને ડીઝલના ભાવ વધી રહ્યા છે. જેનાથી પેટ્રોલમાં 7.20 રૂપિયાનો વધારો થઈ ચુક્યો છે. 

તેમણે કહ્યું કે, જનતા મોદી સરકારની મોંઘવારીથી પરેશાન છે. મોદી સરકારનો મંત્ર છે, ચૂંટણીમાં મળેલી જીત લૂંટનું લાયસન્સ છે. મોંઘવારીથી દરેક ઘર પર અટેક કરી રહ્યા છે. એલપીજી સિલેન્ડર-કમર્શિયલ સિલેન્ડરમાં 250 રૂપિયાનો વધારો કરવામાં આવ્યો છે. ઘરેલૂ સિલેન્ડરના ભાવ દશ દિવસ પહેલા 50 રૂપિયા વધાર્યા હતા.

800 જરૂરી દવાઓના ભાવમાં 11 ટકાનો વધારો

સુરજેવાલાએ કહ્યું કે, સીએનજી, પીએનજી પર પ્રતિ કિલો 80 પૈસા વધારી દીધા છે. છેલ્લા એક મહિનામાં 4 રૂપિયા/ કિલો વધી ચુક્યા છે. પીએનજીના ભાવ 5.85 રૂપિયા યુનિટ સુધી વધારી દીધા છે. ટોલના ભાવ વધ્યા છે. કેન્દ્ર સરકારે 10 ટકાથી 18 ટકા સુધી ટોલના ભાવ વધાર્યા છે. બિમાર અને દવા સુધીના ભાવ પણ વધ્યા. 800 જરૂરી દવાઓના ભાવ 11 ટકા સુધી વધારી દીધા છે. તાવથી લઈને કોરોના, હ્દયની બિમારી, લોહીની કમી, વિટામીનની ગોળીઓના ભાવ પણ વધી ગયા છે. 

તેમણે કહ્યું કે, ઘર બનાવાનું મોંધુ થયું છે, સ્ટીલ, સીમેન્ટ, લાકડા, સેનિટરી ફિટિગ્સના ભાવ પણ વધ્યા છે. તેનો ફાયદો મોદીજીના મિત્રોને થઈ રહ્યો છે. લોનના વ્યાજ પર મળતી છૂટ ખતમ કરી દીધી. પીએફ અકાઉન્ટ પર ટેક્સ લગાવી દીધો. કારના ભાવ વધવા લાગ્યા.ટીવી, ફ્રીઝ મોંઘા થઈ ગયા. ચૂંટણીમાં ભાજપ હિન્દુ-મુસલમાન કરે છે. અને ચૂંટણી જીત્યા બાદ જનતાને લૂંટે છે.

મોંઘવારીના મામલે મોદી ધર્મનિરપેક્ષ છે

તેમણે વધુમાં કહ્યું કે, ભાજપ મોંઘવારીના મામલે કોઈ ભેદભાવ કરતી નથી. મોંઘવારીના મામલે મોદી ધર્મનિરપેક્ષ છે. મુખ્યન્યાયાધીશની ટિપ્પણી પર રણદીપ સુરજેવાલાએ કહ્યું કે, સીબીઆઈ, ઈડી, આઈટી જેવી કેન્દ્રીય તપાસ એજન્સીઓ સરકારની આગળ નતમસ્તક અને ભાજપના સંગઠન તરીકે કામ કરી રહી છે. કોર્ટમાં બેસીને ચિંતા વ્યક્ત કરવાથી કશું થવાનું નથી. મુખ્ય ન્યાયાધીશ અને તેમના સાથે જ્યાં સુધી કઠોર પગલા લઈને જવાબદારી નિભાવતા અંકુશ નહીં લગાવે ત્યાં સુધી ફક્ત વાતો કરવી નકામી છે.

congress Randeep Surjewala modi government petrole price hike મોંઘાવારી મોદી સરકાર કોંગ્રેસ
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ