હિમાચલ પ્રદેશમાં 12 નવેમ્બરના રોજ મતદાન યોજાશે અને મતગણતરી 08 ડિસેમ્બર, 2022ના રોજ હાથ ધરાશે. ચૂંટણી એક જ તબક્કામાં યોજાશે.
હિમાચલ પ્રદેશમાં ચૂંટણીની મોસમ
કોંગ્રેસે ઉમેદવારોનું બીજું લિસ્ટ જાહેર કર્યું
હિમાચલ પ્રદેશમાં વિધાનસભા ચૂંટણીની તારીખો જાહેર થતાં જ તમામ પક્ષો પોતાના ઉમેદવારોના નામની જાહેરાત કરી રહ્યા છે. ભાજપે તમામ બેઠકો પર ઉમેદવારોને ઊભા કરી દીધા છે. કોંગ્રેસે પહેલા 46 અને આજે 17 ઉમેદવારોનું બીજું લિસ્ટ બહાર પાડ્યું છે. અત્યાર સુધી કોંગ્રેસે કુલ 63 ઉમેદવારોના નામ જાહેર કરી દીધા છે. જ્યારે 5ની જાહેરાત બાકી છે તે ગમે તે ઘડીએ થઈ શકે છે.
હિમાચલ પ્રદેશ ચૂંટણી: કોંગ્રેસે 17 ઉમેદવારોનું બીજું લિસ્ટ જાહેર કર્યું
મહત્વનું છે કે આ પહેલા 18 ઓકટોબરના રોજ હિમાચલ વિધાનસભાની ચૂંટણી માટે કોંગ્રેસે પહેલ કરતા 46 ઉમેદવારોની પહેલી યાદી બહાર પાડી હતી . સીએમ જયરામ ઠાકુરની સીટ પર કોંગ્રેસે ચેતરામ ઠાકુરને ટિકિટ આપી છે. ચેતરામ ઠાકુર હાલ હિમાચલ પ્રદેશ કોંગ્રેસના મહાસચિવ છે. કોંગ્રેસ એક બેઠક છોડતા હાલના તમામ ધારાસભ્યોને રિપિટ કર્યાં છે.
ભાજપે તમામ ઉમેદવારોના નામ જાહેર કર્યા
હવે ભારતીય જનતા પાર્ટીએ અગાઉ 62 ઉમેદવારોની યાદી જાહેર કર્યા બાદ હવે આજે સવારે જ બાકી 6 ઉમેદવારો સાથે તમામ બેઠકો પર ઉમેદવારો જાહેર કર્યા હતા. જેમાં પાર્ટીએ દહેરાથી રમેશ ધવલા, જ્વાલામુખીથી રવિન્દ્ર રવિ, કુલ્લુથી મહેશ્વર સિંહ, બરસરથી માયા દેવી, હરોલીથી રામકુમાર અને રામપુરથી કૌલ નેગીને મેદાનમાં ઉતાર્યા છે.
ભાજપે પહેલી યાદીમાં 62 નામ કર્યા હતા જાહેર
ખાસ વાત એ છે કે રાજ્યના મુખ્યમંત્રી જયરામ ઠાકુરને સેરાજ બેઠક પરથી ઉતારવામાં આવ્યા છે, સાથે સાથે અનિલ શર્મા મંડી જ્યારે સતપાલ સિંહને ઉના બેઠક પર દાવેદાર બનાવવામાં આવ્યા છે. હિમાચલ પ્રદેશમાં 12મી નવેરમબરે એક જ ફેઝમાં મતદાન કરવામાં આવશે અને આઠમી ડિસેમ્બરના રોજ પરિણામ આવશે. મંગળવારે જ ભારતીય જનતા પાર્ટીના મુખ્યાલયમાં કેન્દ્રીય ચૂંટણી કમિટીની બેઠક કરવામાં આવી હતી જેમાં પીએમ મોદી અને અમિત શાહ સહિતના દિગ્ગજ નેતાઓએ લિસ્ટ પર મહોર મારી હતી. નોંધનીય છે કે સામે પક્ષે કોંગ્રેસ પાર્ટી અત્યાર સુધીમાં 46 બેઠક પર ઉમેદવાર જાહેર કરવામાં આવ્યા છે. મહત્વનું છે કે, આ વખતે ચૂંટણીમાં હિમાચલ પ્રદેશના પૂર્વ CM તથા ભાજપના વરિષ્ઠ નેતા પ્રેમ કુમાર ધૂમલને ટિકિટ આપવામાં આવી નથી, ધૂમલના દીકરા અનુરાગ ઠાકુર મોદી કેબિનેટમાં સ્થાન ધરાવે છે. આટલું જ નહીં અનુરાગ ઠાકુરના સસરા ગુલાબ સિંહ ઠાકુરની ટિકિટ પણ કાપી લેવામાં આવી છે. તેઓ હવે 74 વર્ષના થઈ ગયા છે.
હિમાચલમાં વિધાનસભાની કુલ 68 બેઠક
હિમાચલ પ્રદેશમાં વિધાનસભાની કુલ 68 બેઠકો છે અને તમામ બેઠકો પર 12 નવેમ્બરે એક સાથે મતદાન થશે. મતગણતરી 8 ડિસેમ્બરે થશે. હાલ રાજ્યમાં ભાજપની સરકાર છે. પરંતુ આ વખતની ચૂંટણી રસપ્રદ બનવાની છે, કારણ કે ભાજપ અને કોંગ્રેસની સાથે આમ આદમી પાર્ટી પણ મેદાનમાં છે.