આગામી પંજાબ વિધાનસભા ચૂંટણી પહેલા કોંગ્રેસે 86 ઉમેદવારોની પહેલી યાદી જાહેર કરી છે. જે મુજબ પ્રદેશ કોંગ્રેસ અધ્યક્ષ નવજોત સિંહ સિદ્ધૂ અમૃતસર પૂર્વથી ચૂંટણી લડશે. મહત્વનું છે કે, પંજાબમાં કુલ 117 બેઠકો પર 14 ફેબ્રુઆરીથી મતદાન થશે. 10 માર્ચે પરિણામ આવશે.
કોંગ્રેસે 86 ઉમેદવારોની પહેલી યાદી જાહેર કરી
પંજાબમાં કુલ 117 બેઠકો પર 14 ફેબ્રુઆરીથી મતદાન થશે
જે 86 ઉમેદવારોના નામની જાહેરાત થઈ તેમાં મુખ્યમંત્રીનું નામ સામેલ
86 બેઠકોમાં મુખ્યમંત્રી ચન્નીના નામનો સમાવેશ
કોંગ્રેસે આગામી પંજાબ ચૂંટણીમાં જે 86 બેઠકો પર ઉમેદવારના નામની જાહેરાત કરી છે, તેમાં મુખ્યમંત્રી ચન્નું નામ પણ સામેલ છે. જે મુજબ સીએમ ચરણજીત સિંહ ચન્ની ચમકૌર સાહિબ એસસી પરથી ચૂંટણી લડશે. આ સિવાય હાલમાં કોંગ્રેસમાં સામેલ થયેલી અભિનેતા સોનૂ સૂદની બહેન માલવિકા સૂદ મોગા પરથી ચૂંટણી લડશે. કૈદાન બેઠક પરથી પ્રતાપસિંહ બાજવા ચૂંટણી મેદાનમાં ઝંપલાવશે. કોંગ્રેસના પંજાબના ડેપ્યુટી સીએમ સુખવિન્દર રંધાવાને ડેરા બાબા નાનકથી અને ઓમપ્રકાશ સોનીને અમૃતસર સેન્ટ્રલ પરથી વિધાનસભા ચૂંટણીમાં મેદાનમાં ઉતાર્યા છે. પરગટ સિંહ જાલંધર કેન્ટ પરથી અને ઓમપ્રકાશ સોની અમૃતસર સેન્ટ્રલ પરથી ચૂંટણી લડશે.
Congress releases list for candidates on 86 seats in upcoming Punjab polls- CM Charanjit Singh Channi to contest from Chamkaur Sahib SC, State chief Navjot Singh Sidhu to contest from Amritsar East. pic.twitter.com/FV4PSh1Win
પંજાબમાં વિધાનસભા ચૂંટણીને હવે એક મહિનો રહ્યો છે. એવામાં કોરોના વાયરસ બિમારીની સ્થિતિ પર વધી રહેલી ચિંતાઓ તેમ છતાં દરેક રાજકીય વર્તુળોએ પોતાની ચૂંટણી તૈયારીઓને ઝડપી કરી દીધી છે. ચાલુ વર્ષે પંજાબ માટે લડાઈ વધુ ઉગ્ર છે. કારણકે રાજ્યના ખેડૂતો ઘણી મુશ્કેલીઓથી પરેશાન છે. જ્યારે શાસક પાર્ટી પોતાની આંતરિક લડાઈ સાથે લડી રહી છે. કોંગ્રેસ પાર્ટીએ પાર્ટી પ્રમુખ સોનિયા ગાંધીના નેતૃત્વમાં થયેલી કેન્દ્રીય ચૂંટણી સમિતિની બેઠક બાદ ગુરૂવારે પંજાબમાં પોતાના ઉમેદવારોના નામને અંતિમ ઓપ આપી દીધો હતો. ઘટનાક્રમથી પરિચિત પાર્ટી પદાધિકારીઓએ સમાચાર એજન્સી પીટીઆઈને જણાવ્યું કે કેટલાંક વર્તમાન ધારાસભ્યોને ફરીથી ટિકિટ આપવામાં સહમતિ સધાઈ નથી.