રાજનીતિ / હિમાચલ ચૂંટણી માટે કોંગ્રેસે જાહેર કરી 46 ઉમેદવારોની પહેલી યાદી, એકને બાદ કરતા તમામ MLA રિપિટ કર્યાં

• હિમાચલમાં ચૂંટણી જાહેર થતા રાજકીય પક્ષો એક્શનમાં
• સૌથી પહેલા કોંગ્રેસે જાહેર કરી 46 ઉમેદવારોની પહેલી યાદી 
• આજે ઉમેદવારો નક્કી કરવા ભાજપની પણ મળી હતી બેઠક 
• હિમાચલમાં 12 નવેમ્બરે એક તબકકામાં મતદાન
• 8 ડિસેમ્બરે મતગણતરી

હિમાચલ વિધાનસભાની ચૂંટણી માટે કોંગ્રેસે પહેલ કરતા 46 ઉમેદવારોની પહેલી યાદી બહાર પાડી છે. કોંગ્રેસે સીએમ જયરામ ઠાકુરની સીટ પર ચેતરામ ઠાકુરને ટિકિટ આપી છે. ચેતરામ ઠાકુર હાલ હિમાચલ પ્રદેશ કોંગ્રેસના મહાસચિવ છે. કોંગ્રેસ એક બેઠક છોડતા હાલના તમામ ધારાસભ્યોને રિપિટ કર્યાં છે. 

Congress releases the first list of 46 candidates for the Himachal Pradesh Assembly elections, which are to be held on November 12th. pic.twitter.com/O6ssJYyiEV

— ANI (@ANI) October 18, 2022

હિમાચલમાં વિધાનસભાની કુલ 68 બેઠક 
હિમાચલ પ્રદેશમાં વિધાનસભાની કુલ 68 બેઠકો છે અને તમામ બેઠકો પર 12 નવેમ્બરે એક સાથે મતદાન થશે. મતગણતરી 8 ડિસેમ્બરે થશે. હાલ રાજ્યમાં ભાજપની સરકાર છે. પરંતુ આ વખતની ચૂંટણી રસપ્રદ બનવાની છે, કારણ કે ભાજપ અને કોંગ્રેસની સાથે આમ આદમી પાર્ટી પણ મેદાનમાં છે.

कांग्रेस ने 12 नवंबर को होने वाले हिमाचल प्रदेश विधानसभा चुनाव के लिए 46 उम्मीदवारों की पहली सूची जारी की।#HimachalPradeshElection pic.twitter.com/1DroxHpI8l

— ANI_HindiNews (@AHindinews) October 18, 2022

ભાજપ મુખ્યાલયમાં પણ મળી ચૂંટણી સમિતિની બેઠક
બીજી તરફ દિલ્હી સ્થિત ભાજપ મુખ્યાલયમાં પણ બેઠક મળી હતી જેમાં પીએમ મોદી, અમિત શાહ, જેપી નડ્ડાએ ઉમેદવારોને લઈને મંથન કર્યું હતું. આવતીકાલે હિમાચલ ચૂંટણી માટે ભાજપની પહેલી યાદી બહાર પડી શકે છે.