વિધાનસભા ચૂંટણી / હરિયાણાઃ કોંગ્રેસે જાહેર કરી 84 ઉમેદવારોની યાદી, જાણો કોને મળી ક્યાંથી ટિકીટ

• મહારાષ્ટ્રની 20 સીટોના ઉમેદવારોની પણ જાહેરાત
• હાલના 17 ઉમેદવારોમાંથી 16ને ટિકીટ આપવામાં આવી છે
• કોંગ્રેસે 90માંથી 84 સીટ પર જાહેર કર્યા ઉમેદવાર
• ગઢી સાંપલા -કિલોઈથી ચૂંટણી લડશે ભૂપેન્દ્ર હુડ્ડા

કોંગ્રેસે 90માંથી 84 બેઠક પર જાહેર કર્યા ઉમેદવાર

કોંગ્રેસે હરિયાણાને માટે પોતાની પહેલી યાદી જાહેર કરી છે. કોંગ્રેસે 90માંથી 84 બેઠકો પર ઉમેદવારોની જાહેરાત કરી છે. પૂર્વ મુખ્યમંત્રી ભૂપેન્દ્ર હુડ્ડાને ગઢી સાંપલા-કિલોઈ, રણદીપ સુરજેવાલાને કૈથલ, કુલદીપ બિશ્નોઈને આદમપુર અને તોશામથી કિરણ ચૌધરીને ટિકીટ આપવામાં આવી છે.

હાલના 17 વિધાયકોમાંથી 16ને ટિકીટ આપી

કોંગ્રેસ હાલના 17 વિધાયકોમાંથી 16ને ટિકીટ આપી છે. પૂર્વ મુખ્યમંત્રી ભજનલાલના બે દીકરાઓને ટિકીટ આપવામાં આવી છે. પાર્ટીના હિસારની આદમપુર સીટથી કુલદીપ બિશ્નોઈ અને કેના ભાઈ ચંદ્ર મોહનને પંચકુલા સીટથી લડવા માટે તૈયાર કરવામાં આવ્યા છે.

Congress releases a list of 84 candidates for the upcoming elections to the legislative assembly of Haryana. BS Hooda to contest from Garhi Sampla-Kiloi, Randeep Surjewala from Kaithal, Kuldeep Bishnoi from Adampur & Kiran Chaudhary to contest from Tosham. #HaryanaAssemblyPolls pic.twitter.com/jRMGWyK1iN

— ANI (@ANI) October 2, 2019

જાણો કોને મળી ક્યાંની ઉમેદવારી

પૂર્વ મુખ્યમંત્રી બંસીલાલના દીકરા અને વહુને પણ પાર્ટીનુી ટિકીટ આપવામાં આવ્યા છે. જેમાં રણવીર મહિન્દ્રાને બડહરા સીટથી અને કિરણ ચૌધરીને તોશામ સીટથી ઉમેદવાર તરીકે ઉતાર્યા છે. પૂર્વ વિધાનસભાના અધ્યક્ષ કુલદીપ શર્માને ગનૌર વિધાનસભા સીટથી મેદાનમાં ઉતાર્યા છે. જ્યારે એક અન્ય પૂર્વમંત્રી ગીતા ભુક્કલને ઝજ્જર આરક્ષિત સીટથી મેદાનમાં ઉતાર્યા છે. પૂર્વ મંત્રી આનંદ સિંહ દાંગીને તેમના પારંપરિક મહમ સીટની ઉમેદવારી આપી છે. જો કે હરિયાણા કોંગ્રેસ પ્રમુખ શૈલજા અને પૂર્વ પ્રદેશ અધ્યક્ષ અશોક તંવરનું નામ યાદીમાં નથી. હરિયાણામાં 21 ઓક્ટોબરે મતદાન થશે અને પરિણામ 24 ઓક્ટોબરે જાહેર કરવામાં આવશે.

Congress party releases a list of 20 candidates for the upcoming elections to the legislative assembly of Maharashtra. #MaharashtraAssemblyPolls pic.twitter.com/37T2Cse4vI

— ANI (@ANI) October 2, 2019

મહારાષ્ટ્રની 20 સીટો પર પણ ઉમેદવારોની યાદી જાહેર

આ પહેલાં પણ કોંગ્રેસે મહારાષ્ટ્રની 20 સીટ માટે પોતાના ઉમેદવારો જાહેર કર્યા છે. આ કોંગ્રેસનું ત્રીજું લિસ્ટ છે. તેની પહેલાં કોંગ્રેસે 51 અને 52 ઉમેદવારોનું લિસ્ટ જાહેર કર્યું હતું.

હરિયાણામાં સીટના ભાગને લઈને અનેક ચર્ચા

હરિયાણાની સીટ માટે પાર્ટી ઉમેદવારોની જાહેરાતમાં અનેક વિચારણા કરવામાં આવી. ટિકીટ વહેંચણીને લઈને વીતેલા દિવસોમાં કોંગ્રેસના પૂર્વ પ્રદેશ અધ્યક્ષ અશોક તંવરે દિલ્લીમાં પાર્ટી મુખ્યાલય બહાર પ્રદર્શન કર્યું. તેમનો આરોપ હતો કે રાજ્યમાં આગામી વિધાનસભા ચૂંટણી માટે ટિકીટો વેચવામાં આવી રહી છે.

અશોક તંવરે લગાવ્યો ટિકીટ વેચવાનો આરોપ

પોતાના સમર્થકોને સંબોધિત કરતાં અશોક તંવરે પૂર્વ મુખ્યમંત્રી ભૂપેન્દ્ર હુડ્ડાને નિશાન બનાવ્યા અને આરોપ લગાવ્યો કે સોહના વિધાનસભાની ટિકીટ 5 કરોડમાં વેચવામાં આવી છે. તેઓએ કહ્યુ કે ભારતીય જનતા પાર્ટીની સાથે મેચ ફિક્સ કરવાનો આરોપ લાગવામાં આવ્યો હતો.