ગુજરાતના વિવધ જિલ્લાઓમાં કોંગ્રેસ દ્વારા આજે મહિલા ગૌરવ દિવસના રોજ રેલી કાઢીને સરકારનો વિરોધ કરવામાં આવ્યો. મંજૂરી વગર રેલી કાઢી હોવાને કારણે અમિત ચાવડા સહિત કોંગ્રસના 60 કાર્યકરોની અટકાયત કરવામાં આવી.
વિવિધ જિલ્લામાં કોંગ્રેસે કાઢી રેલી
મહિલા ગૌરવ દિવસે કોંગ્રસનું વિરોધ પ્રદર્શન
અમિત ચાવડા સહિત 60 કાર્યકરોની અટકાયત
ગુજરાતના વિવિધ જિલ્લાઓમાં કોંગ્રેસ દ્વારા આજે રેલીઓ કાઢવામાં આવી હતી. જેમા રાજકોટમાં પણ આજે મહિલા ગૌરવ દિવસે કોગ્રેસની રેલી કાઢવામાં આવી હતી. આ રેલી અમિત ચાવડાની અધ્યક્ષતામાં કાઢવામાં આવી. જેમા જુદા જુદા મુદ્દે સરકાર સામે વિરોઘ પ્રદર્શન કરવામાં આવ્યું ખાસતો મોંઘવારી તેમજ પેટ્રોલ મુદ્દે કોંગ્રેસ દ્વારા બરાબરનો વિરોધ કરવામાં આવ્યો હતો.
મંજૂરી વગર રેલી કાઢી
જોકે કોંગ્રેસે મંજૂરી વગર રેલી કાઢી હતી. જેથી અમિત ચાવડા સહિત 60 જેટલા કાર્યકરોની પોલીસે અટકાયત કરી છે. સાથેજ રેલીને લઈને ચુસ્ત પોલીસ બંદોબસ્ત ગોઠવી દેવામાં આવ્યો છે. રૂપાણી સરકારના 5 વર્ષની ઉજવણી ઉપર પણ અમિત ચાવડાએ આકરા પ્રહાર કર્યા હતા. જેમા અમિત ચાવડાએ કહ્યું કે પ્રજાના પૈસાથી સરકાર વાહવાહી કરી રહી છે.
સરકાર પર આકરા પ્રહાર
વધુંમાં અમિત ચાવ઼ાએ કહ્યું હતું કે પ્રજાના પૈસે અન્નોત્સવ મનાવામાં આવે છે. સાથેજ તેમણે કહ્યું કે શિક્ષણનું ખાનગીકરણ કરવામાં આવ્યું. આ ઉપરાંત તેમણે એવું પણ કીધું કે કોરોના મહામારી સમયે ઓક્સિજન, વેન્ટિલેટરની પણ અછત સર્જાઈ હતી. વધુંમાં તેમેણે એવું પણ કહ્યું કે મહિલાઓની અસલામતી વચ્ચે મહિલા સન્માન દિવસની ઉજવણી કરવામાં આવે છે.
અમદાવાદનમાં પણ વિરોધ પ્રદર્શન
અમદાવાદમાં પણ ભાજપના નારી સંરક્ષણ દિન સામે મહિલા કોંગ્રેસે મહિલા સુરક્ષાને લઈને દેખાવો કર્યા હતા. શહેરના નમસ્તે સર્કલ પાસે પોસ્ટર તેમજ બેનરો સાથે દેખાવો કરવામાં આવ્યો હતો. જેમા હાથમાં પાણીનો ઘડો લઈને સરકાર સામે રોષ વ્યક્ત કરવામાં આવ્યો હતો.
સુરેન્દ્રનગરમાં કોંગ્રેસની રેલી
ઉલ્લેખનીય છે કે સુરેન્દ્રનગરના પાટડીમાં પણ કોંગ્રેસે મહિલા સુરક્ષા અભિયાન રેલી યોજી હતી. આ રેલીમાં પણ મહિલા સુરક્ષા તેમજ મોઘવારી સહીતના મુદ્દે વિરોધ કરવામાં આવ્યો હતો. MLA નૌશાદ સોલંકી અને પ્રગતિ આહિર સહિતના નેતાઓ આ વિરોધમા જોડાયા હતા. જેમા મોટી સંખ્યામાં મહિલા કાર્યકરો પણ હતી. જોકે પોલીસે રેલી અટકાવીને આગેવાનોની અટકાયત કરી હતી.