શિયાળુ સત્રમાં કોંગ્રેસે (Congress) ગુરુવારે બીજા દિવસે પણ ઇલેક્ટોરલ બોન્ડના મુદ્દા પર સંસદના બંને ગૃહમાં વિરોધ દર્શાવ્યો. આ દરમિયાન વિપક્ષના સાંસદ નારેબાજી કરતા લોકસભાની વેલમાં પહોંચી ગયા. તેના પર લોકસભા સ્પીકર ઓમ બિડલાએ તેમને ગૃહનું અનુશાસન બનાવી રાખવાનું સૂચન કર્યું. કોંગ્રેસે બોન્ડમાં પારદર્શિતાની માંગ કરી રહી છે.
શિયાળુ સત્રમાં કોંગ્રેસે ગુરુવારે ઇલેક્ટોરલ બોન્ડના મુદ્દા પર સંસદના બંને ગૃહમાં વિરોધ દર્શાવ્યો
શશિ થરૂરે કહ્યું કે ઇલેક્ટોરલ બોન્ડ દ્વારા બિઝનેસમેન અને પૈસાદાર લોકો રાજનૈતિક હસ્તક્ષેપ કરશે
કોંગ્રેસે બોન્ડમાં પારદર્શિતાની માંગ કરી રહી છે
શશિ થરૂરે કહ્યું કે ઇલેક્ટોરલ બોન્ડ દ્વારા બિઝનેસમેન અને પૈસાદાર લોકો સત્તાધારી પાર્ટીને ફંડ આપી રાજનૈતિક હસ્તક્ષેપ કરશે. ત્યારે રાજ્યસભામાં બોન્ડ અને પીયૂસી કંપનીઓની ભાગેદારી વેચવા સહિત અન્ય મુદ્દા પર હંગામો થયો.
લોકસભામાં આજે કોંગ્રેસ સાંસદ મનીષ તિવારીએ શૂન્યકાળમાં ઇલેક્ટોરલ બોન્ડનો મુદ્દો ઉઠાવ્યો. તેમણે કહ્યું કે ઇલેક્ટોરલ બોન્ડ (Electoral Bond) જાહેર કરવાને કારણે સરકારી ભ્રષ્ટાચારને સ્વીકૃતી આપી દીધી. રાજ્યસભામાં પણ ઇલેક્ટોરલ બોન્ડના મુદ્દા પર કોંગ્રેસ સાંસદો અને અન્ય વિપક્ષી પાર્ટીઓએ હોબાળો મચાવ્યો. ઇલેક્ટોરલ બોન્ડનો મુદ્દો ઉઠાવતા ઉપલા ગૃહથી કોંગ્રેસે વોકઆઉટ કર્યો, જે બાદ રાજ્યસભાની કાર્યવાહી 12 વાગ્યા સુધી સ્થગિત કરવી પડી.
ઇલેક્ટોરલ બોન્ડને લઇને કોંગ્રેસે ઉઠાવ્યા સવાલ
મનીષ તિવારીએ ઇલેક્ટોરલ બોન્ડને રાજનીતીમાં મુડીવાદીઓનો દખલ કરાર કર્યો. તેમણે કહ્યું, રિઝર્વ બેન્ક ઓફ ઇન્ડિયા અને ચૂંટણી પંચના વિરોધ છતા ઇલેક્ટોરલ બોન્ડ જાહેર કરાયા. 2014 પહેલા આ દેશમાં એક મૂળભૂત ઢાંચો હતો. આ ઢાંચા હેઠળ જે પૈસાદાર લોકો છે, તેમનો ભારતની રાજનીતિમાં પૈસાના હસ્તક્ષેપ પર એક નિયંત્રણ હતું.
મનીષ તિવારીએ ઇલેક્ટોરલ બોન્ડ પર સવાલ ઉઠાવતા કહ્યું કે, 1 ફેબ્રુઆરહી 2017ના દિવસે સરકારે અજ્ઞાત ઇલેક્ટોરલ બોન્ડની જોગવાઇ કરી. આ જોગવાઇ બાદ હવે ન તો જે ડોનર છે તેની જાણકારી મેળવી શકાય છે ન કેટલા પૈસા આપવામાં આવ્યા અને કઇ પાર્ટીને આપવામાં આવ્યા, તથા કોને આપવામાં આવ્યા તેની જાણકારી મેળવી શકાય છે.
કર્ણાટક ચૂંટણીને લઇને ઉઠાવ્યા સવાલ
કોંગ્રેસ સાંસદે કર્ણાટક ચૂંટણીમાં ભ્રષ્ટાચારનો આરોપ લગાવતા કહ્યું કે, આપને ખુબ જ ગંભીરતા અને જવાબદારીથી કહેવા ઇચ્છુ છું કે પહેલા આ સ્કીમ માત્ર લોકસભાની સામાન્ય ચૂંટણી સુધી સીમિત હતી. પરંતુ 11 એપ્રિલ 2018એ કર્ણાટક ચૂંટણીથી ઠીક પહેલા તેને વિધાનસભા ચૂંટણીમાં લાગૂ કરવામાં આવી. જોકે, તેના પર લોકસભા સ્પીકરે તેમને ટોકતા નામ ન લેવા જણાવ્યું. જવાબમાં તિવારીએ કહ્યું કે તેમની પાસે RTI દ્વારા મળેલી સૂચના અને કાગળ છે.
શું છે ઇલેક્ટોરલ બોન્ડ?
સરકાર રાજનૈતિક પાર્ટીઓને રોકડમાં મળનારા ફંડના વિકલ્પના રૂપે ઇલેક્ટોરલ બોન્ડ લઇને આવી હતી. 2017-18ના બજેટ દરમિયાન ઇલેક્ટોરલ બોન્ડ શરૂ કરવાની જાહેરાત કરવામાં આવી હતી. આ કરન્સી નોટની જેમ હોય છે. તેના પર તેની કિંમત લખેલી હોય છે. ચૂંટણી બોન્ડ 1000, 10,000 અને 1 લાખ અને 1 કરોડ રૂપિયાના મલ્ટીપલમાં ખરીદી શકાય છે. ભારતીય સ્ટેટ બેન્કની 29 શાખાઓને ઇલેક્ટોરલ બોન્ડ જાહેર કરવા અને તેને એન્કેશમેન્ટ માટે અધિકૃત કરવામાં આવી છે. આ શાખાઓ નવી દિલ્હી, મુંબઇ, કોલકત્તા, ચેન્નઇ, ગાંધીનગર, ચંદીગઢ, રાંચી અને બેંગાલુરુમાં સ્થિત છે.