નિવેદન / રાહુલ ગાંધીએ કહ્યું PM મોદી ટ્રમ્પ અને તેમના વચ્ચે બેઠકમાં શું થયું તે જણાવે

રાહુલ ગાંધીએ પોતાના ટ્વિટમાં લખ્યું- 'રાષ્ટ્રપ્રમુખ ટ્રમ્પનું કહેવું છે કે પીએમ મોદીએ તેમને કાશ્મીર પર ભારત અને પાકિસ્તાન વચ્ચે મધ્યસ્થતા કરવા કહ્યું છે. જો આ સાચુ છે તો, પીએમ મોદીએ ભારતના હિતો અને 1972ના શિમલા સમજુતી સાથે દગો કર્યો છે. એક કમજોર વિદેશ મંત્રાલયનું ખંડન પુરતું નથી. પીએમે રાષ્ટ્રને બતાવવું જોઇએ કે ટ્રમ્પ અને તેમના વચ્ચે બેઠકમાં શું વાતચીત થઇ હતી.'

President Trump says PM Modi asked him to mediate between India & Pakistan on Kashmir!

If true, PM Modi has betrayed India’s interests & 1972 Shimla Agreement.

A weak Foreign Ministry denial won’t do. PM must tell the nation what transpired in the meeting between him & @POTUS

— Rahul Gandhi (@RahulGandhi) July 23, 2019

અમેરિકી રાષ્ટ્રપ્રમુખ ડોનાલ્ડ ટ્રમ્પના કાશ્મીર મુદ્દા પર નિવેદનને લઇને મંગળવારે સંસદમાં ખૂબ જ હંગામો થયો હતો. મંગળવારે સવારે કોંગ્રેસ તરફથી રાજ્યસભા અને લોકસભામાં આ મુદ્દો ઉઠાવાયો હતો.

વિદેશમંત્રી એસ. જયશંકરે તેના પર સત્તાવાર નિવેદન આપતા જણાવ્યું કે, કાશ્મીર ભારત અને પાકિસ્તાન વચ્ચેનો દ્વિપક્ષીય મુદ્દો છે. આ મુદ્દે વડાપ્રધાન નરેન્દ્ર મોદી તરફથી કોઇપણ પ્રકારની મધ્યસ્થતાની રજૂઆત અમેરિકી રાષ્ટ્રપ્રમુખ ટ્રમ્પને કરવામાં આવી નથી.