રાહુલ ગાંધીએ પોતાના નિવેદન પર માફી માંગવાની નાં પડી દીધી છે. રાહુલ ગાંધીએ કહ્યું કે ' હું આ લોકોથી ક્યારેય માફી નહીં માંગું, વડાપ્રધાન મોદીએ પોતે જ દિલ્હીને રેપ કેપિટલ કહ્યું હતું. ધ્યાન ભટકાવવા ભાજપ નેતાઓ હોબાળો કઈ રહ્યા છે."
રાહુલ ગાંધીનાં નિવેદન પર સંસદમાં હંગામો
રાજનાથ સિંહે કહ્યું કે આવા લોકો(રાહુલ ગાંધી)ને સંસદમાં જ પ્રવેશ ન આપવો જોઈએ
રાહુલ ગાંધીએ પીએમ મોદીનો જુનો વિડીયો ટ્વિટ કર્યો
ઝારખંડની એક ચૂંટણી સભામાં શુક્રવારે રાહુલ ગાંધીએ એવું નિવેદન આપ્યું કે રેપ ઈન ઈન્ડિયા અર્થાત્ ઈન્ડિયા રેપ કેપિટલ બની રહ્યું છે.
Rahul Gandhi: I have a clip on my phone in which Narendra Modi ji is calling Delhi a 'rape capital',will tweet it so that everyone can see. Just to deflect attention from protests in North East, this is being made an issue by BJP. https://t.co/BF4toNRaO8pic.twitter.com/4wRWTZy4Np
આ અંગે લોકસભામાં ભાજપના સાંસદોએ રાહુલ ગાંધી માફી માંગેના નારા સાથે હોબાળો મચાવ્યો હતો. જોકે રાહુલ ગાંધીએ આ અંગે માફી માંગવાની ચોખ્ખી ના પાડી દીધી હતી. રાહુલ ગાંધીએ મીડિયાને નિવેદન આપતાં કહ્યું નરેન્દ્ર મોદીનો મેક ઈન ઈન્ડિયાનો નારો હવે રેપ ઈન ઈન્ડિયામાં બદલી ગયો છે. આ સાથે મહિલાઓ સાથે ખુલ્લેઆમ છેડછાડ પણ વધી રહી છે.
ભાજપના સાંસદોએ આખી લોકસભા માથે લીધી
સંસદમાં ચાલી રહેલાં રાહુલ ગાંધીના રેપ ઈન ઈન્ડિયા વાળા નિવેદનના ઘમાસાણ વચ્ચે ગાંધીએ માફી માંગવા અંગે ઘસીને ના પાડી દીધી. વધુમાં તેમણે નરેન્દ્ર મોદીનો જુનો ‘દિલ્હી રેપ કેપિટલ’ નિવેદન વાળો જુનો વિડીયો ટ્વિટ કર્યો છે. જોકે રાહુલના આ નિવેદનથી ભાજપના સાંસદોએ આખી લોકસભા માથે લીધી છે.
મહિલા સાંસદોએ લોકસભાની ગેલેરીમાં આવી માફી માંગો, માફી માંગોના નારા લગાવ્યા હતા. આ ઉપરાંત રાજનાથ સિંહે પણ કહ્યું કે આવા લોકો(રાહુલ ગાંધી)ને સંસદમાં જ પ્રવેશ ન આપવો જોઈએ. જોકે લોકસભામાં થયેલા ભારે હોબાળા બાદ કાર્યવાહી સ્થગિત કરાઈ છે.