પાટણમાં પૂર્વ ધારાસભ્યની આગેવાનીમાં કોંગ્રેસના ધરણાંનું આયોજન કરાયું હતું. વિરોધ કરતા નેતાઓની બી ડિવિઝન પોલીસે ધરપકડ કરી છે. પોલીસે 20 જેટલા કોંગ્રેસના નેતાઓની અટકાયત પણ કરી છે.
રાહુલ ગાંધીને સંસદ સભ્ય પદથી સસ્પેન્ડ કરવા મુદ્દે કોંગ્રેસનો વિરોધ
ભરૂચ જિલ્લા કોંગ્રેસ દ્વારા ધરણાં કાર્યક્રમ
પોલીસે તમામ કાર્યકરોની કરી અટકાયત
રાહુલ ગાંધીને સંસદ સભ્ય પદથી સસ્પેન્ડ કરવાથી અમદાવાદમાં કોંગ્રેસ સંકલ્પ યાત્રાનું આયોજન કર્યું હતું. જેમાં અમદાવાદના સરદાર બાગ ખાતે કોંગ્રેસ વિરોધ પ્રદર્શન કરવાના હતા. વિરોધ પ્રદર્શન દરમિયાન કોંગ્રેસ નેતા જગદીશ ઠાકોર, અમિત ચાવડા અને ઈમરાન ખેડાવાલા સહિત 200 જેટલા કાર્યકર્તાની અટકાયત કરવામાં આવી હતી. પોલીસ દ્વારા અટકાયત કરી શાહીબાગ હેડ ક્વાર્ટર લઈ જવાયા હતા. તો બીજી બાજૂ કોંગ્રેસ નેતા રાહુલ ગાંધીનું સાંસદ પદ રદ થવા મામલે કોંગ્રસે રાજકોટમાં વિરોધ નોંધાવ્યો હતો .મામલો ઉગ્ર બને તે પહેલા પોલીસે વિરોધ કરતા કોંગી કાર્યકરો અને આગેવાનોની અટકાયત કરાઇ હતી. જ્યુબેલી બાગ ખાતે એ-ડિવિઝન પોલીસનો કાફલો તૈનાત કરવામાં આવ્યો છે.
રાહુલ ગાંધીનું સાંસદ પદ રદ થવા મામલે કોંગ્રેસ મેદાનમાં ઉતરી
કોંગ્રેસ નેતા રાહુલ ગાંધીનું સાંસદ પદ રદ થવા મામલે કોંગ્રેસ મેદાનમાં ઉતરી છે. ભરૂચ જિલ્લા કોંગ્રેસ દ્વારા ધરણાંનો કાર્યક્રમનું આયોજન કરવામાં આવ્યુ હતું. ધરણાં પર બેસે એ પૂર્વે જ પોલીસે કોંગ્રેસના આગેવાનો અને કાર્યકરોની અટકાયત કરવામાં આવી હતી. તો બીજી બાજૂ સાબરકાંઠામાં પણ કોંગ્રેસ દ્વારા ધરણાંનુ આયોજન કરવામાં આવ્યું. કોંગ્રેસ આગેવાનો ધરણાં પર બેસે એ પહેલા જ 15થી વધુ કાર્યકરોની અટકાયત કરાઇ હતી. મોતીપુરા ચોકડી પાસે ગાંધીજીની પ્રતિમ પાસે ધરણાં કાર્યક્રમ યોજવાના હતા. CMનો કાર્યક્રમ હોવાથી પોલીસે તમામ કાર્યકરોની અટકાયત કરીને બી-ડિવિઝન પોલીસ મથકે લઈ જવાયા હતા. તો આ બાજૂ પાટણમાં પૂર્વ ધારાસભ્યની આગેવાનીમાં કોંગ્રેસના ધરણાંનું આયોજન કરાયું હતું. વિરોધ કરતા નેતાઓની બી ડિવિઝન પોલીસે ધરપકડ કરી છે. પોલીસે 20 જેટલા કોંગ્રેસના નેતાઓની અટકાયત પણ કરી છે.
વલસાડ જિલ્લામાં પણ કોંગ્રેસ વિરોધ
કોંગ્રેસ નેતા રાહુલ ગાંધીનું સાંસદ પદ રદ થવા મામલે અરવલ્લીના મોડાસા મહાલક્ષ્મી ટાઉન હોલ ખાતે કોંગ્રેસના ધરણાં પ્રદર્શનું આયોજન કરાયું હતું. કોંગ્રેસ દ્વારા તપાસ એજન્સીઓ સામે સવાલો કરતા પ્લે કાર્ડ સાથે વિરોધ કરવામાં આવ્યો હતો. લોકશાહી બચાવોના નારા લગાવી કોંગ્રેસના આગેવાનોએ વિરોધ નોંધાવ્યો હતો. વિરોધ દરમિયાન કોંગ્રેસના 10 કાર્યકરની પોલીસે અટકાયત કરવામાં આવી હતી. તો બીજી બાજૂ કચ્છમાં ભુજના જ્યુબેલી સર્કલ નજીક કોંગ્રેસના કાર્યકરો ધરણાં કરવાના હતા. કોંગ્રેસના નેતાઓ ધરણા કરે તે પહેલા પોલીસે કોંગ્રેસ પ્રમુખ સહિતના નેતાઓની પોલીસે અટકાયત કરી તો વલસાડ જિલ્લામાં પણ કોંગ્રેસ કાર્યાલય ખાતે કોંગ્રેસના ધરણાં પ્રદર્શનનું આયોજન કરવામાં આવ્યું હતું. કોંગ્રેસ કાયકરો દ્વારા સુત્રોચ્ચાર કરતા પોલીસ ત્રાટકી હતી અને કોંગ્રેસના આગેવાનો સહિત કાર્યકરોની અટકાયત કરવામાં આવી હતી.