દિલ્હી / CAA-NRCની વિરુદ્ધમાં આજે કોંગ્રેસના ધરણા મોકૂફ, આવતીકાલે આ જગ્યાએ કરશે વિરોધ

• દિલ્હીમાં CAAના વિરોધમાં આજે યોજાનારા કોંગ્રેસના ધરણા મોકૂફ
• આવતીકાલે રાજઘાટ પર કરશે વિરોધ  
• સોનિયા અને રાહુલ ગાંધી પણ પ્રદર્શનમાં જોડાશે

કોંગ્રેસના મહાસચિવ સી. વેણુગોપાલે એક નિવેદન આપ્યું છે કે કોંગ્રેસ પાર્ટીના સીનિયર નેતા સોમવારે રાજઘાટના મહાત્મા ગાંધીની સમાધિ પર સત્યાગ્રહ કરશે. આ કાર્યક્રમ બપોરે 3થી રાતના 8 વાગ્યા સુધી ચાલશે. કોંગ્રેસ પાર્ટીના ધરણા બાબા સાહેબ ભીમરાવ આંબેડકરના સંવિધાનને બચાવવા અને તાનાશાહીની વિરુદ્ધમાં છે. 

Delhi: Congress to now hold a 'dharna' at Raj Ghat, on December 23, against #CitizenshipAmendmentAct and #NationalRegisterOfCitizens. https://t.co/XwC3SPu7RR

— ANI (@ANI) December 21, 2019

આ નેતાઓ થશે રેલીમાં સામેલ

મળતી માહિતી અનુસાર કોંગ્રેસની અંતરિમ અધ્યક્ષ સોનિયા ગાંધી, રાહુલ ગાંધી અને કોંગ્રેસ મહાસચિવ પ્રિયંકા ગાંધી પણ ધરણામાં સામેલ થશે. આ સિવાય કોંગ્રેસના અનેક દિગ્ગજ નેતાઓ પણ સામેલ થઈ શકે છે. આ પહેલાં રવિવારે રામલીલા મેદાનમાં પીએમ મોદી રેલી કરશે.

ઉલ્લેખનીય છે કે કોંગ્રેસ મહાસચિવ પ્રિયંકા ગાંધી શુક્રવારે નાગરિકતા સંશોધન કાયદાની વિરુદ્ધમાં ચાલી રહેલા પ્રોટેસ્ટમાં પણ પહોંચી હતી. જ્યારે સોનિયા ગાંધીએ વીડિયો બનાવીને મોદી સરકાર પર જનતાનો અવાજ દબાવવાનો આરોપ લગાવ્યો હતો.