આજે મળેલી કોંગ્રેસ વર્કિંગ કમિટીની બેઠકમાં નવા અધ્યક્ષની ચૂંટણીની તારીખને મંજૂરી આપવામાં આવી હતી. વર્કિંગ કમિટીના નિર્ણય અનુસાર, 17 ઓક્ટોબરે કોંગ્રેસ અધ્યક્ષની ચૂંટણી થશે અને તેના બે દિવસ બાદ 19 ઓક્ટોબરે મતગણતરી થશે અને નવા અધ્યક્ષનું નામ જાહેર કરવામાં આવશે. બેઠકમાં એવું પણ નક્કી કરાયું હતું કે કોંગ્રેસ અધ્યક્ષ માટે નોમિનેશન 24 સપ્ટેમ્બરથી શરુ થશે અને 30 સપ્ટેમ્બર સુધી નોમિનેશન ભરી શકાશે.
Election for Congress President post to be held on 17th October. Counting will be done on 19th October: Sources pic.twitter.com/OKr2lo3yIc
CWCની બેઠકમાં લેવાયો નિર્ણય
રવિવારે CWCની બેઠક યોજાઈ હતી જેમાં પૂર્વ અધ્યક્ષ સોનિયા ગાંધી, રાહુલ ગાંધી, પ્રિયંકા ગાંધી અને પૂર્વ પીએમ મનમોહન સિંહ વર્ચ્યુઅલી જોડાયા હતા. બેઠકમાં અધ્યક્ષની ચૂંટણીની તારીખ નક્કી કરવામાં આવી હતી.
CWC met under Sonia Gandhi & approved the final schedule. Nomination process for post of Congress president will be from Sept 24 to Sept 30. Elections to be held on October 17 & counting of polls & declaration of results will be on October 19: Congress MP KC Venugopal pic.twitter.com/AbK5SAu8vN
સોનિયા ગાંધી અમેરિકાથી જોડાયા બેઠકમાં
સોનિયા ગાંધી હાલમાં હેલ્થચેક માટે અમેરિકા ગયેલા છે અને તેમણે ત્યાંથી કોંગ્રેસ વર્કિંગ કમિટીની બેઠકની અધ્યક્ષતા કરી હતી.
રાહુલ ગાંધી કે અશોક ગેહલોતને અધ્યક્ષ બનાવાય તેવી શક્યતા
આ વખતે રાહુલ ગાંધી કે રાજસ્થાનના સીએમ અશોક ગેહલોત કોંગ્રેસ અધ્યક્ષ બની શકે છે. અશોક ગેહલોતે કુલ ત્રણ વાર સોનિયા ગાંધીને મળી ચૂક્યા છે. જોકે એક દિવસ પહેલા કોંગ્રેસના સિનિયર નેતા મલ્લિકાર્જુન ખડગે કહી ચૂક્યા છે તેઓ રાહુલ ગાંધીને અધ્યક્ષ બનવાની ફરજ પાડશે.