દુનિયાભરમાં આજે યોગદિવસની ઉજવણી કરવામાં આવી હતી. આ અવસર પર કોંગ્રેસના રાષ્ટ્રીય અધ્યક્ષ રાહુલ ગાંધીએ એક ટ્વીટ કરી હતી જેના પર વિવાદનો મધપૂડો છંછેડાઇ શકે છે. તેમણે સેનાના જવાનો તથા કુતરાઓ યોગ કરતા હોય તેવી એક તસવીર ટ્વીટ કરી હતી.
ઉલ્લેખનીય છે કે, રાહુલ ગાંધીએ કરેલ ટ્વીટમાં 2 તસવીરો છે બંન્ને તસવીરોમાં કુતરા તથા સેનાના જવાન એક સાથે યોગ કરી રહ્યા છે.
આ કુતરાઓ સેનાના જ 2 આર્મી ડોગ યુનિટ છે. આ તસવીર પોસ્ટ કરી રાહુલે કેપ્શનમાં 'ન્યૂ ઇન્ડિયા' લખ્યું હતું. જેને લઈને રાહુલ ગાંધીની સોશિયલ મીડિયા પર ભારે ટીકા થવા લાગી તથા તેઓનું આ ટ્વીટ ટ્રોલ પણ થયું હતું.
રાહુલ ગાંધીની આ ટ્વીટ પર રિએક્શન પણ લોકો તથા દિગ્ગજ નેતાઓએ આપ્યા હતા, રાહુલ ગાંધીની ટ્વીટને લઇને દેશના ગૃહપ્રધાન અમિત શાહે ટ્વીટ કરીને જવાબ આપ્યો હતો તેમણે લખ્યું હતું કે,
Congress stands for negativity.
Today, their negativity was seen in their clear support to the medieval practice of Triple Talaq. Now, they mock Yoga Day and insult our forces (yet again!)
Hoping the spirit of positivity will prevail. It can help overcome toughest challenges. https://t.co/sC00yrBcpA
તો આ સાથે જ ભાજપના પ્રવક્તા સંબિત પાત્રાએ રાહુલની ટ્વીટનો જવાબ આપતા કહ્યું હતું કે,
New India indeed
...but Same/Shame Rahul..disrespects India..India’s tradition..India’s Army ..@RahulGandhi ji ..every Dog is not just a PIDI who tweets only for the Gandhi family Scion
These are just not Dogs Sir ..they are those who fight for OUR INDIA ..Salute them!! https://t.co/GQUYaEQwTn
તો આ તરફ કેન્દ્રીય પર્યાવરણ મંત્રી પ્રકાશ જાવડેકરે ટ્વીટનો જવાબ આપતા કહ્યું હતું કે, જ્યારે આંતરરાષ્ટ્રીય યોગ દિવસની ઉજવણી થઇ રહી છે ત્યારે આ પ્રકારનું ટ્વીટ કરવું કોંગ્રેસની માનસિકતા, તેમની હતાશા તથા જનતાથી કેટલા તેઓ દુર છે તે દર્શાવે છે.
આપને જણાવી દઇએ કે, પ્રધાનમંત્રી નરેન્દ્ર મોદીએ લોકસભાના ચૂંટણી અભિયાન દરમિયાન પોતાના ભાષણોમાં 'ન્યુ ઈન્ડિયા' શબ્દનો પ્રયોગ કર્યો હતો, જેનો અર્થ થાય છે કે ભારતની તસવીર બદલાઇ રહી છે. વડાપ્રધાન મોદીના આ કેમ્પેઇનની કોંગ્રેસ અધ્યક્ષ રાહુલ ગાંધી પહેલાથી જ ટીકા કરતા આવ્યા છે. જેને લઇને આજેપણ તેમણે એક ટ્વવીટ કરતા રાજકારણમાં ગરમાવો ફેલાયો છે અને રાહુલ ગાંધી ટ્રોલ થયાં હતા.