UP ELECTION / કોંગ્રેસને મોટો ઝટકો, પ્રિયંકા ગાંધીની વધું એક પોસ્ટર ગર્લ ભાજપમાં જોડાઈ ગઈ

• બીજા તબક્કાના મતદાન પહેલા પ્રિયંકાને ઝટકો
• વધું એક પોસ્ટર ગર્લ ભાજપમાં જોડાઈ
• આ અગાઉ પણ બે પોસ્ટર ગર્લ ભાજપમાં જોડાઈ

ઉત્તર પ્રદેશમાં વિધાનસભા ચૂંટણીના બીજા તબક્કા પહેલા કોંગ્રેસને મોટો ઝટકો લાગ્યો છે. હકીકતમાં કોંગ્રેસનું લડકી હું, લડ શકતી હુંની એક પોસ્ટર ગર્લ ભાજપમાં સામેલ થઈ ગઈ છે. પલ્લવી સિંહે શનિવારે ભાજપનો કેસરીયો ધારણ કરી લીધો છે. 

પલ્લવી સિંહ કોંગ્રેસની ત્રીજી પોસ્ટર ગર્લ છે. જે ભાજપમાં જોડાઈ ગઈ છે. આ અગાઉ પ્રિયંકા મૌર્ય અને વંદના સિંહ પણ ભાજપમાં સામેલ થઈ ચુકી છે. બંનેએ પ્રિયંકા ગાંધી પર મોટા આરોપ લગાવ્યા હતા. 

લડકી હું, લડ શકતી હું, પણ ટિકિટ મેળવી શકી નહીં- પ્રિયંકા મૌર્ય

ડોક્ટર પ્રિયંકા મૌર્યએ પ્રિયંકા ગાંધીના સચિવ પર ટિકિટ માટે લાંચ માગવાનો આરોપ લગાવ્યો હતો. તેણે કહ્યું હતું કે, કોંગ્રેસમાં ધાંધિયા ચાલી રહ્યા છે. તેણે લખ્યું હતું કે, હું લડી શકું છું, પણ ટિકિટ મેળવી શકતી નથી, કારણ કે, હું ઓબીસી હતી અને પ્રિયંકા ગાંધીના સચિવ સંદીપ સિંહને લાંચ આપી શકી નહીં. પ્રિયંકા મૌર્યએ કહ્યું હતું કે, કોંગ્રેસમાં જાતિવાદના કારણે ધારાસભ્ય નરેશ સૈનીને પાર્ટી છોડવી પડી. પ્રિયંકાએ કોંગ્રેસ પાર્ટી પર ધાંધિયા ચલાવાનો આરોપ લગાવતા કહ્યું કે, તેના વિરુદ્ધ કોઈને પણ બોલવાની હિમ્મત નથી. 

14 ફેબ્રુઆરીએ બીજા તબક્કાનું મતદાન

403 સીટો વાળી યુપી વિધાનસભા ચૂંટણીમાં 7 તબક્કામાં મતદાન થવાનું છે. પ્રથમ તબક્કામાં 10 ફેબ્રુઆરી વોટિંગ થયું હતું. બીજા તબક્કામાં 14 ફેબ્રુઆરી મતદાન થશે, ત્રીજા તબક્કામાં 20 ફેબ્રુઆરીએ, ચોથા તબક્કાનું 23 ફેબ્રુઆરી, 5માં તબક્કાનું 27 ફેબ્રુઆરી, 6 તબક્કાનું 3 માર્ચે અને સાતમા તબક્કાનું સાત માર્ચે મતદાન થશે. પરિણામ 10 માર્ચે આવશે.