IPLIN
 
  • Home
  • Politics
  • India
  • congress party speak up india campaign campaign today more than 50 lakh workers to participate in this programme

કેમ્પેઈન / મોદી સરકારની વિરુદ્ધ ‘સ્પીક અપ ઈન્ડિયા’ કેમ્પેઈન આજથી શરુ, આટલા લાખ લોકો આ મુદ્દાઓ પર વાત કરશે

Team VTV 11:33 AM, 28 May 20
Follow us
congress party speak up india campaign campaign today more than 50 lakh workers to participate in this programme

કોંગ્રેસે કોરોનાવાયરસના મુદ્દે ભાજપ સરકારને ઘેરી લેવાની નવી રણનીતિ તૈયાર કરી છે. આજથી કોંગ્રેસ ‘સ્પીક અપ ઈન્ડિયા’ (#JoinSpeakUpIndia) કેમ્પેઈન શરૂ કરી રહી છે. આ અભિયાનમાં કોંગ્રેસના 50 લાખથી વધુ કાર્યકરો અને સમર્થકો ભાગ લેશે. આ અંતર્ગત તમામ સોશિયલ મીડિયા પ્લેટફોર્મ પર લોકોનો અવાજ ઉઠાવવામાં આવશે.

  • મોદીની વિરુદ્ધ સ્પીક અપ ઈન્ડિયા કેમ્પેઈન 
  • 50 લાખ લોકો જોડાશે આ કેમ્પેઈનમાં
  • આ મુદ્દાઓ પર વિપક્ષ કરશે વાત

કોંગ્રેસની માંગ શું છે?

આ અભિયાન અંતર્ગત કોંગ્રેસ દ્વારા ચાર મુખ્ય માંગણીઓ મુકવામાં આવી છે. આ છે - સ્થળાંતર કરી રહેલા નાગરિકોને સલામત અને મફત ઘરે પહોંચાડવામાં આવે, દરેક ગરીબ લોકોને દસ હજાર રૂપિયાની તાત્કાલિક સહાય આપવી જોઈએ, એમએસએમઈઓને આર્થિક લોન નહી, આર્થિક મદદ આપવામાં આવે. ઉપરાંત મનરેગા હેઠળ મજૂરોને ઓછામાં ઓછા 200 દિવસની મુદત આપવામાં આવે.

સોશિયલ મીડિયા પર ગરીબોનો અવાજ

રાજસ્થાન પ્રદેશ કોંગ્રેસના અધ્યક્ષ અને નાયબ મુખ્યમંત્રી સચિન પાયલોટે બુધવારે કહ્યું હતું કે પાર્ટી 28 મેના રોજ દેશભરમાં ડિજિટલ પ્લેટફોર્મ અને સોશિયલ મીડિયા પર ગરીબોનો અવાજ ઉઠાવશે અને કેન્દ્ર સરકાર તેમના ખાતામાં 10,000 રૂપિયા ઉમેરવા માટે દબાણ કરશે. તેમણે કહ્યું કે લોકડાઉનનો ચોથો તબક્કો ચાલી રહ્યો છે અને આ સંજોગો છે કે તમામ પ્રયાસો છતાં દેશના સૌથી ગરીબ વર્ગ સુધી આર્થિક મદદ પહોંચી શકી નથી. તેમણે કહ્યું કે કેન્દ્ર સરકાર મોટી જાહેરાતો કરી રહી છે. પેકેજની જાહેરાત કરી રહી છે. પરંતુ પૈસા ગરીબોના હાથ સુધી પહોંચ્યા નથી.

પાયલોટનો હુમલો

તેમણે મોદી સરકારના બીજા કાર્યકાળના એક વર્ષ પૂરા થવા અંગેના સૂચિત કાર્યક્રમોની પણ સમીક્ષા કરી હતી. પાયલોટે કહ્યું, 'કેન્દ્ર સરકાર વિવિધ કાર્યક્રમો કરી રહી છે. ઓનલાઇન રેલીઓ પ્રેસ કોન્ફરન્સ કરી રહી છે. પરંતુ આ સમય છે પારદર્શિતા, સહાનુભૂતિ, કરુણા દર્શાવવા અને બધાને સાથે રાખવાનો. આજે તમારી પીઠ થાબડવાનો સમય નથી. છતાં ઉજવણી કરવામાં આવી રહી છે અને સિદ્ધિઓ ગણાવાઈ રહી છે. '
 

congress speak up india campaign campaign Narendra Modi નરેન્દ્ર મોદી સ્પીક અપ ઈન્ડિયા કોંગ્રેસ
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ