IPLIN
 

સત્યાગ્રહ આંદોલન / 8 વર્ષમાં 16 કરોડ નોકરી આપવાની હતી, મળ્યું ફક્ત પકોડા તળવાનું જ્ઞાન: અગ્નિપથ યોજના પર ભડક્યા રાહુલ ગાંધી

Team VTV 02:12 PM, 19 Jun 22
Follow us
congress party agnipath scheme protest in delhi

સેનામાં ભરતી માટે અગ્નિપથ સ્કીમ પર વિપક્ષ સરકાર પર આકરા પ્રહારો કરી રહ્યું છે. આ માટેે થઈને કોંગ્રેસ પાર્ટી આ યોજનાને લઈને આજે સત્યાગ્રહ આંદોલન કરી રહ્યા છે. 

  • મોદી સરકારે સેનામાં ભરતી માટેના નિયમો બદલ્યા
  • અગ્નિપથ યોજનાના વિરોધ દેશમાં હોબાળો
  • કોંગ્રેસ પાર્ટી કરી રહી છે સત્યાગ્રહ આંદોલન

સેનામાં ભરતી માટે અગ્નિપથ સ્કીમ પર વિપક્ષ સરકાર પર આકરા પ્રહારો કરી રહ્યું છે. ત્યારે હવે વાયુસેનાએ પણ અગ્નિવીરોની નિમણૂંકની પ્રક્રિયા શરૂ કરી દીધી છે. એરફોર્સે નિમણૂંક માટે તમામ શરતો અને સુવિધાઓ તથા અન્ય જાણકારીઓ વેબસાઈટ પર અપલોડ કરી દીધી છે. આ બાજૂ કોંગ્રેસ પાર્ટી આ યોજનાને લઈને આજે સત્યાગ્રહ આંદોલન કરી રહ્યા છે. 

આ સત્યાગ્રહમાં કોંગ્રેસ નેતા પ્રિયંકા ગાંધી પણ જંતર મંતર પર પહોંચ્યા હતા. અહીં પાર્ટી અગ્નિપથ સ્કીમ વિરુદ્ધ સત્યાગ્રહ આંદોલન ચલાવી રહ્યા છે. સચિન પાયલટ પણ હાજર રહ્યા હતા. આ ઉપરાંત કોંગ્રેસના રાજ્યસભા સાંસદ ઈમરાન પ્રતાપગઢી, પાર્ટી નેતા ગૌરવ ગોગોઈ પણ હાજર રહ્યા હતા. કોંગ્રેસે કહ્યુ હતું કે, અગ્નિપથ સ્કીમ આપણા સૈન્ય પરંપરાનું અપમાન છે.

રાહુલ ગાંધી આ યોજનાને લઈને સરકાર પર પ્રહારો કર્યા હતા, તેમણે કહ્યું હતું કે, વારંવાર નોકરીના ખોટા વાયદા કરીને પ્રધાનમંત્રી દેશના યુવાનોને બેરોજગારીના અગ્નિપથ પર ચાલવા માટે મજબૂર કર્યા છે. 8 વર્ષમાં 16 કરોડ નોકરીઓ આપવાની હતી, પણ યુવાનોને મળ્યું ફક્ત પકોડા તળવાનું જ્ઞાન. દેશની આ હાલત માટે જવાબદાર ફક્ત પ્રધાનમંત્ર મોદી છે. આપને જણાવી દઈએ કે, કોંગ્રેસ આ મુદ્દા પર દિલ્હીના જંતર મંતર પર સ્તયાગ્રહ આંદોલન કરી રહ્યા છે.

delhi congress protest rahul gandhi modi government Agnipath scheme news
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ