વિપક્ષ નેતા પરેશ ધાનાણી સ્કૂલ ફી માફી મુદ્દે આક્રમક બની રહી છે. સિટી પોલીસ સ્ટેશનના પટાંગણમાં ધરણા કર્યા છે. અટકાયત બાદ પરેશ ધાનાણીએ સ્ટેશનમાં ધરણા કર્યા હતા. આ તમામ વાતો વચ્ચે ટીંગાટોળીમાં પરેશ ધાનાણીનો શર્ટ ફાટી ગયો હતો.
— VTV Gujarati News and Beyond (@VtvGujarati) October 2, 2020
અમેરલીમાં ઉપવાસ પર બેઠેલા પરેશ ધાનાણીની અટકાયત કરવામાં આવી હતી. પરેશ ફી મુદ્દે ઉપવાસ પર બેઠા હતા. અમરેલીના ગાંધી બાગ ખાતેથી અટકાયત કરાઇ છે. ત્યારે પોલીસ સાથેની ટીંગાટોળીમાં પરેશધાનાણીનો શર્ટ ફાટી ગયો હતો.
ગુજરાતમાં ઠેરઠેર આંદોલન
આજે કૃષિ કાયદો, સ્કૂલ કોલેજની ફી માફીને લઈને રાજ્યવ્યાપી વિરોધ પ્રદર્શન થઈ રહ્યું છે. અમદાવાદના બત્રીસી હોલ ખાતે ધરણાં પ્રદર્શન કાર્યક્રમ યોજાયો હતો. જેમાં પ્રદેશ પ્રમુખ અમિત ચાવડા સહિતના નેતાઓ ધરણાં જોડાયા હતા, ત્યારબાદ વિરોધ પ્રદર્શન ઉગ્ર બન્યું હતું. બીજી બાજુ કોંગ્રેસનું વિરોધ પ્રદર્શન ઉગ્ર બને તે પહેલા જ પોલીસે કોંગ્રેસનો મંડપ હટાવ્યો હતો. ધરણાં માટે મંજૂરી ન હોવાથી પોલીસે કાર્યવાહી કરી હોવાના અહેવાલ મળી રહ્યા છે.
અમિત ચાવડાની અટકાયત
અમદાવાદમાં કોંગ્રેસનું વિરોધ પ્રદર્શન યોજાયું હતું. ત્યારે કોંગ્રેસના અમિત ચાવડાની ટીંગાટોળી કરીને અટકાયત કરી છે. આ સિવાય ઈમરાન ખેડાવાલા, ગ્યાસુદ્દીન શેખની અટકાયત કરવામાં આવી છે. પોલીસે પણ કોંગ્રેસ કાર્યકરોની અટકાયત કરી હોવાની માહિતી મળીરહી છે. કૃષિ બિલ, સ્કૂલ કોલેજની ફી માફીની માગ સાથે અનેક નેતાઓ ભેગા થયા હતા. અમિત ચાવડાએ આ વિશે જણાવ્યું કે, ભાજપ સરકાર ખેડૂત વિરોધી છે.
રાજ્ય ભરમાં વિરોધ
રાજ્યમાં કોંગ્રેસ દ્વારા વિરોધ પ્રદર્શન કરવામાં આવ્યું છે. અરવલ્લીના માલપુરમાં કોંગ્રેસ દ્વારા સ્ટેટ હાઇવે પર ચક્કાજામ કરવામાં આવ્યો. કૃષિ બિલ સહિતના મુદ્દે ગોધરા-શામળાજી હાઇવે પર કોંગ્રેસ દ્વારા ચક્કાજામ કર્યો. ત્યારે ભરૂચમાં પણ કોંગ્રેસના આગેવાનો દ્વારા રેલવે સ્ટેશન બહાર ધરણા પ્રદર્શન કરવામાં આવ્યા. ત્યારે પોલીસે કોંગ્રેસના આગેવાનો અને કાર્યકર્તાઓની અટકાયત કરી હતી. આ દરમિયાન ઘર્ષણ પણ થયું હતું. તો જૂનાગઢના કેશોદમાં પણ કોંગ્રેસ દ્વારા ધરણાનો કાર્યક્રમ કરવામાં આવ્યો. યુપીના હાથરસમાં દુષ્કર્મ કેસને લઇ વિરોધ પ્રદર્શન કરવામાં આવ્યું હતું.