આજથી 49 વર્ષ પહેલા દિલ્હીની એક હોસ્પિટલમાં નવજાત શિશુ તરીકે રાહુલ ગાંધીને પોતાના હાથમાં ઉઠાવનાર 72 વર્ષના સેવાનિવૃત નર્સ રાજમ્મા વવાથિલને રવિવારે જ્યારે કોંગ્રેસ અધ્યક્ષે ગળે લગાવ્યા તો એમને પોતાની આંખો પર વિશ્વાસ જ ન થયો. રાહુલના જન્મની સાક્ષી રહેલા રાજમ્મા માટે હવે યુવાન થઇ ચૂકેલા રાહુલ ગાંધીને સામે જોયા બાદ પોતાની ખુશી સંભાળવી મુશ્કેલભરી બની રહી.
કેરળના વાયનાડથી સાંસદ રાહુલ ગાંધીના રાજમ્માનો હાથ પકડીને તેમને ગળે લગાવ્યા અને તેમના પરિવાર સાથે મુલાકાત કરી. આ તમામ લોકો અહીં એક અતિથિ ગૃહમાં રાહુલ ગાંધીને મળવા આવ્યા હતા. રાહુલ ગાંધીએ 4.31 લાખથી વધુ મતોના રેકોર્ડ બ્રેક અંતરથી જીત હાંસલ કરવા પર વાયનાડનો આભાર વ્યક્ત કરવા આવ્યા હતા. રાહુલ ગાંધીએ પોતાની વ્યસ્તતા વચ્ચે પણ રાજમ્માના પતિ, પૌત્ર-પૌત્રીઓ સહિત પરિવારજનો સાથે સમય વિતાવ્યો. એમણે રાજમ્માના સંબંધીઓ અને કેટલાક પાર્ટી કાર્યકર્તાઓ સાથે ફોટો પણ ખેંચાવી હતી. જોકે, રાજમ્માના પરિવારને રાહુલ ગાંધી સાથે મુલાકાત માટે ઘણો સમય રાહ જોવી પડી હતી.
19 જૂન 1970ના રોજ જ્યારે દિલ્હીના હોલી ફેમિલી હોસ્પિટલમાં રાહુલ ગાંધી (Rahul Gandhi)નો જન્મ થયો હતો તો રાજમ્માએ એક નર્સ તરીકે રાહુલ ગાંધીની દેખભાળ કરી હતી. અહીં રાજમ્માએ એક રસપ્રદ વાત પણ જણાવી કે રાહુલ ગાંધીનો તેમની સામે જન્મ થયો અને નવજાત રાહુલનો પોતાના હાથમાં ઉઠાવ્યો હતો ત્યારે સ્મિત કરતા રાહુલ તેમની વાત ધ્યાનથી સાંભળતા રહ્યા. જતા પહેલા રાજમ્માએ રાહુલ ગાંધીને કેટલીક ભેટ જે તેમના હાથે બનાવી હતી તે ભેટ કરી. રાહુલ ગાંધીએ રાજમ્માને ફરી મળવાનું વચન પણ આપ્યું છે. જે બાદ રોમાંચિત રાજમ્માએ કહ્યું કે આટલા વર્ષો બાદ રાહુલ ગાંધીને મળીને એમને ખુબ જ ખુશી મળી છે.
Kozhikode: Congress President Rahul Gandhi met Rajamma, a retired nurse who was present at the time of his birth. #Keralapic.twitter.com/q753bNZfmL
પત્રકારો સાથેની વાતચીતમાં રાજમ્માએ કહ્યું કે, 'હું ખરેખર ખુબ જ ખુશ અને રોમાંચિત છું. હું એ લોકોમાંથી એક હતી જેમણે નવજાત રાહુલ ગાંધીને પોતાના ખોળામાં લીધો હતો. જ્યારે હું તેમને મળી ત્યારે એ દિવસોની યાદ તાજી થઇ ગઇ'.
રાજમ્માએ વધુમાં કહ્યું કે, 'મને લાગ્યું કે હું કંઇક ભેટ કરું. તેથી હું મારા હાથે બનાવેલી ચિપ્સ અને મિઠાઇઓ તેમને ભેટ કરી.' લોકસભામાં ચૂંટણી દરમિયાન કોંગ્રેસ અધ્યક્ષ રાહુલ ગાંધીના જન્મ દરમિયાન તેમની નાગરિકતાને લઇને સવાલ ઉભો થયો હતો. ત્યારે રાજમ્માએ કહ્યું હતું કે, 19 જૂન 1970ના રોજ કોંગ્રેસ અધ્યક્ષ રાહુલ ગાંધીના જન્મ દરમિયાન જે લોકો હોલી ફેમિલી હોસ્પિટલમાં ડ્યૂટી પર હતા. તેમા એમણે પણ સામેલ હતા.