મહારાષ્ટ્રમાં કોંગ્રેસના એકમાત્ર સાંસદનું આજે સવારે નિધન થયું છે. વાત જાણે એમ છે કે, કોંગ્રેસના સાંસદ સુરેશ ધાનોરકર ઉર્ફે બાલુભાઉ ધાનોરકરનું મંગળવારે સવારે નિધન થયું છે. મહત્વનું છે કે, તેઓ મહારાષ્ટ્રના એકલા કોંગ્રેસના લોકસભા સાંસદ હતા અને 2019ની ચૂંટણીમાં ચંદ્રપુર બેઠક પરથી જીત્યા હતા. કીડની સ્ટોનની બિમારીથી પીડિત ધનોરકર દિલ્હીની એક હોસ્પિટલમાં સારવાર હેઠળ હતા.
મહારાષ્ટ્ર કોંગ્રેસના લોકસભા સાંસદ સુરેશ ધાનોરકર ઉર્ફે બાલુભાઉ ધાનોરકરના પિતા નારાયણ ધાનોરકરનું બે દિવસ પહેલા નિધન થયું હતું. આ તરફ આજે સવારે સુરેશ ધાનોરકર ઉર્ફે બાલુભાઉ ધાનોરકરનું પણ નિધન થયું છે. મહારાષ્ટ્ર કોંગ્રેસના મુખ્ય પ્રવક્તા અતુલ લોંધે પાટીલે ટ્વીટ કર્યું કે ધાનોરકરના પાર્થિવ દેહને મંગળવારે બપોરે દિલ્હીથી વારોરા લાવવામાં આવશે.
શું કહ્યું અતુલ લોંધે પાટીલે?
મહારાષ્ટ્ર કોંગ્રેસના મુખ્ય પ્રવક્તા અતુલ લોંધે પાટીલે એક ટ્વિટમાં જણાવ્યું હતું કે, ચંદ્રપુરના સાંસદ બાલુભાઉ ધાનોરકરની તબિયત બગડતાં તેમને દિલ્હીની હોસ્પિટલમાં દાખલ કરવામાં આવ્યા હતા. મંગળવારે સવારે ધાનોરકરનું સારવાર દરમિયાન મૃત્યુ થયું હતું. પાટીલે કહ્યું કે, તેમના મૃતદેહને દિલ્હીથી તેમના વારોરા નિવાસસ્થાને લાવવામાં આવશે અને 31 મેના રોજ સવારે 11 વાગ્યે વાની-વરોરા બાયપાસ રોડ પર મોક્ષધામમાં અંતિમ સંસ્કાર કરવામાં આવશે. તેમણે કહ્યું કે, માત્ર 48 વર્ષની ઉંમરે તેમણે એક કટ્ટર શિવસૈનિકથી લઈને લોકસભા સાંસદ સુધીની સફર કરી હતી.
*लोकप्रिय खासदार बाळू धानोरकर यांची प्राणज्योत मालावली*
*आज वरोरा येथे अंत्यदर्शन उद्या अंत्यसंस्कार*
*समर्पित सेना कार्यकर्ता ते काँग्रेस खासदार केला प्रवास*
चंद्रपूरचे खासदार बाळूभाऊ धानोरकर यांची प्रकृती बिघडल्याने त्यांना दिल्ली येथील रुग्णालयात भरती करण्यात आले होते.…
ધાનોરકરની પત્ની કોંગ્રેસના ધારાસભ્ય
અતુલ લોંધે પાટીલે ટ્વીટમાં કહ્યું કે, ધાનોરકર ચંદ્રપુર જિલ્લાના ભદ્રાવતી ગામના રહેવાસી છે. 2014માં બાલુ ધાનોરકર શિવસેનાની ટિકિટ પર પહેલીવાર વિધાનસભા પહોંચ્યા હતા. 2019ની લોકસભા ચૂંટણી પહેલા ધાનોરકર શિવસેના છોડીને કોંગ્રેસમાં જોડાયા હતા અને પાર્ટીએ તેમને લોકસભાની ટિકિટ આપી હતી. ધાનોરકરે ચંદ્રપુર લોકસભા બેઠક જીતી અને તે 2019ની ચૂંટણીમાં રાજ્યમાં કોંગ્રેસની એકમાત્ર લોકસભા બેઠક રહી . ત્યારપછીની વિધાનસભા ચૂંટણીમાં ધનોરકરની પત્ની પ્રતિભાએ કોંગ્રેસની ટિકિટ પર વારોરા-ભદ્રાવતી બેઠક જીતી હતી.