ટોણો / વિદ્યાર્થીઓની ઈચ્છા હતી 'પરીક્ષા પર ચર્ચા' અને PM 'રમકડાં પર ચર્ચા' કરી ગયા : રાહુલ ગાંધી

• રમકડાઓ માટે લોકલ ફોર વોકલ બનાવાનો સમય : PM મોદી 
• ઉમેદવારોની ઈચ્છા હતી કે પરીક્ષા પર ચર્ચા થાય : રાહુલ ગાંધી 
• પીએમ મોદી તો રમકડા પર ચર્ચા કરી : રાહુલ ગાંધી 

PM મોદીએ રમકડા પર ચર્ચા કરી : રાહુલ ગાંધી 

દેશમાં કોરોના વાયરસ વચ્ચે પરીક્ષાનું આયોજન કરવામાં આવ્યું છે અને તે મુદ્દે દેશભરમાંથી વિવિધ સ્તર પર માંગ ઉઠી રહી છે એવામાં વડાપ્રધાન મોદીએ મન કી બાત કાર્યક્રમમાં રમકડા પર દેશને અપીલ કરી તેના પર કોંગ્રેસ નેતા રાહુલ ગાંધીએ ટોણો માર્યો છે. રાહુલ ગાંધીએ કહ્યું કે JEE-NEETના ઉમેદવારોની માંગ હતી કે પીએમ પરીક્ષા પર ચર્ચા કરે પણ તે રમકડા પર ચર્ચા કરીને જતા રહ્યા. 

JEE-NEET aspirants wanted the PM do ‘Pariksha Pe Charcha’ but the PM did ‘Khilone Pe Charcha’.#Mann_Ki_Nahi_Students_Ki_Baat

— Rahul Gandhi (@RahulGandhi) August 30, 2020

JEE-NEET મુદ્દે રાજકીય ઘમાસાણ 

નોંધનીય છે કે દેશમાં કોરોના વાયરસના કેસમાં સતત વધારો થઇ રહ્યો છે અને રેકોર્ડબ્રેક કેસ સામે આવી રહ્યા છે ત્યારે વિદ્યાર્થીઓની JEE-NEETની પરીક્ષાનું આયોજન કરવામાં આવ્યું છે. આ પરીક્ષા ન કરવા માટે વિવિધ રાજકીય પાર્ટીઓ અને વિવિધ રાજ્યના મુખ્યમંત્રીઓએ પીએમ મોદીથી માંગ કરી. પણ સરકારે સ્પષ્ટ કરી દીધું છે કે પરીક્ષા તો લેવામાં આવશે જ. એવામાં આજે મન કી બાતમાં આ પરીક્ષા પર ચર્ચા છોડીને રમકડા પર ચર્ચા કરવા મુદ્દે રાહુલ ગાંધીએ પીએમ મોદી પર હુમલો કર્યો છે. 

લોકલ રમકડા માટે વોકલ થઇ જવાનો સમય : PM મોદી ​

રમકડાને લઈને દેશવાસીઓથી ખાસ અપીલ કરતાં પીએમ મોદીએ કહ્યું 'હવે બધા માટે લોકલ રમકડા માટે વોકલ થઇ જવાનો સમય છે. આવો આપણે કંઇક નવા પ્રકરાના સારી ગુણવત્તાનાં રમકડાં બનાવીએ. આપણે એવા રમકડાં બનાવીએ પર્યાવરણને પણ અનૂકૂળ હોય. આપણા દેશમાં કેટલા બધા આઈડિયા છે અને કેટલા બધા કોન્સેપ્ટ છે, સમૃદ્ધ ઈતિહાસ પણ છે. શું આપણે તેના પર ગેમ્સ બનાવી શકીએ છે ?.હું દેશના યુવાન ટેલેન્ટ થઇ કહું છું તમે ભારત માટે ગેમ્સ બનાવો અને ભારતમાં જ ગેમ્સ બનાવો. કહેવામાં પણ આવે છે કે : Let the games begin!તો ચાલો ખેલ શરુ કરીએ.'

દેશમાં આત્મનિર્ભર ભારતની શરૂઆત કરવામાં આવી છે અને લોકોને અપીલ કરવામાં આવી રહી છે કે લોકલ વસ્તુઓને પ્રોત્સાહન આપો ત્યારે આજે નાના બાળકોના રમકડા તરફ પીએમ મોદીએ દેશનું ધ્યાન દોર્યું અને તેના માટે ખાસ અપીલ પણ કરી. પીએમ મોદીએ કહ્યું કે હું મન કી બાત સાંભળી રહેલા બાળકોના માતા-પિતાથી માફી માંગુ છું કારણ કે હોઈ શકે કે હવે તે મન કી બાત સાંભળ્યા બાદ રમકડાની નવી નવી માંગણીઓ શરુ કરી દેશે અને માતાપિતા માટે એક નવું કામ સામે આવી જશે. PM મોદીએ કહ્યું કે રમકડા જ્યાં એક્ટિવિટીને વધારે છે ત્યાં આપણી આકાંક્ષાઓને નવી ઉડાન પણ આપે છે. 

इस जमाने में कंप्यूटर गेम्स का भी बहुत ट्रेंड है। लेकिन इनमें जितने भी गेम् होते हैं उनकी थीम्स अधिकतर बाहर की होती हैं। हमारे देश में इतने आइडियाज़ और कॉन्सेप्ट हैं। मैं देश के युवा से कहता हूं कि भारत में और भारत के भी गेम्स बनाइए : मन की बात में प्रधानमंत्री नरेंद्र मोदी https://t.co/uqZxu3fz0Z

— ANI_HindiNews (@AHindinews) August 30, 2020