રાજ્યમાં રાજ્યસભાની ચૂંટણીને લઈને રાજકારણ ગરમાયું છે. રાજ્યસભાની ચૂંટણીને લઇ જોડતોડની રાજનીતિ પણ તેજ થઇ ગઇ છે. ચૂંટણી પહેલા જ કોંગ્રેસમાં રાજીનામાનો દોર શરૂ થઈ ગયો છે. ચોથા તબક્કામાં 4 ધારાસભ્યોએ રાજીનામા ધરી દીધા છે. ત્યારે કોંગ્રેસે રિસોર્ટ પોલિટીક્સ શરૂ કરી દીધું છે. તેવામાં સૌરાષ્ટ્રના 16 જેટલા ધારાસભ્યોને રાજકોટ કોંગ્રેસના પૂર્વ ધારાસભ્ય ઇન્દ્રનીલ રાજ્યગુરૂના રિસોર્ટ નીલસિટી ક્લબમાં રાખવામાં આવ્યા છે. ત્યારે જુઓ કેવો છે આ રિસોર્ટ...
નીલસિટી ક્લબ રિસોર્ટ રૂમ, સ્વિમિંગપુલ, બેંક્વેટ, વર્કઆઉટ સ્ટુડિયો, ઇનહાઉસ ડાઇનિંગ, ગાર્ડન, રેસ્ટોરન્ટ જીમ અને ઇનડૉર ગેમ્સની સુવિધાથી સજ્જ છે. આ નીલસિટી ક્લબના રિસોર્ટમાં સુંદર અને અત્યાનુધિક રૂમ છે. જેમાં અલગ અલગ એક્ઝક્યુટિવ, ડિલક્ષ, સ્વીટ અને પેન્ટહાઉસમાં એક રાત્રીનું ભાડુ 3,000થી 10,000 સુધીનું છે. મહત્વનું છે કે, આ ભવ્ય રિસોર્ટ રાજકોટના પૂર્વ ધારાસભ્ય ઇન્દ્રનીલ રાજ્યગુરુનો છે.
અત્રે ઉલ્લેખનીય છે કે, રાજકોટમાંથી કોંગ્રેસની ટિકિટ પર ઉમેદવારી નોંધાવનારા ઇન્દ્રનીલ રાજ્યગુરુએ કરોડોની પ્રૉપર્ટી જાહેર કરી હતી. જે ગુજરાત વિધાનસભાના ઇલેક્શનના ઇતિહાસમાં સૌથી વધારે હતી.
જુઓ નીલસિટી રિસોર્ટના એક્ઝક્યુટિવ, ડિલક્ષ, સ્વીટ અને પેન્ટહાઉસ રૂમ્સના દ્રશ્યો.