શરમજનક / કોંગ્રેસના MLAનો બફાટ: દારૂ આપણી સંસ્કૃતિ, ઘરમાં 12 બોટલ રાખવાની છૂટ મળવી જોઈએ

• નેતાઓની ભાષા નિમ્ન સ્તરની થઈ
• આપી રહ્યા છે ઉટપટાંગ નિવેદન
• કોંગ્રેસના ધારાસભ્ય કર્યો બફાટ

રાજસ્થાનમાં કોંગ્રેસ ધારાસભ્ય દ્વારા આપવામાં આવેલા વિવાદીત નિવેદનનો રોકાવાનું નામ નથી લેતું. સંસદીય કાર્યમંત્રી શાંતિ ધારીવાલ બાદ હવે યુથ કોંગ્રેસના પ્રદેશાધ્યક્ષ તથા ધારાસભ્ય ગણેશ ધોધરાના નિવેદનથી વિવાદ થઈ ગયો છે.  કોંગ્રેસ ધારાસભ્ય ગણેશ ધોધરાએ કહ્યું કે, આદિવાસીઓની પરંપરા સંસ્કૃતિ, વાર-તહેવાર, ઢૂંઢોત્સવમાં દેશી દારૂ ચાલે છે. પૂર્વજોને ધાર ચડાવે છે અને તેને માને છે. 

કોંગ્રેસના નેતાએ આપ્યું આ નિવેદન

ટીએસપી એરિયામાં મહુઆના 12 બોતલ રસને રાખવાની છૂટ મળે. અધિકારી તથા પોલીસ આવે તો, આદિવાસીઓ પર કેસ ન થાય. ટીએસપી વિસ્તારમાં અંગ્રેજી દારૂની દુકાનો બંધ કરવામાં આવે.

ભાજપે કર્યો વિરોધ

જો કે, આસપુરથી ભાજપ ધારાસભ્ય ગોપીચંદ મીણાએ કહ્યું કે, દારૂ આદિવાસી સમાજની સંસ્કૃતિ તથા પરંપરા નથી. આપને જણાવી દઈએ કે, પહેલા સ્વાસ્થ્યમંત્રી પરસાદી લાલ મીણા પણ કહી ચુક્યા છે લોકોને મારવા જ હોય તો, સરકારી દારૂ પીને મરે.

નેતાઓ મનફાવે તેવા આપી રહ્યા છે સ્ટેટમેંટ

અહીં ઉલ્લેખનીય છે કે, બે દિવસ પહેલા સંસદીય કાર્યમંત્રી શાંતિ ધારીવાલે વિધાનસભાના બજેટ સત્રમાં કહ્યું કે, રાજસ્થાન રેપમાં નંબર વન છે. આ મરદ લોકોનો દેશ છે. ધારીવાલના આ નિવેદન પર ખૂબ હોબાળો મચી ગયો હતો. બાદમાં ધારીવાલે માફી માગી લીધી હતી.