આંતરિક વિખવાદ / કોંગી MLAના રાજીનામાં મુદ્દે વાઘાણીનું મોટું નિવેદન, પડઘા સોનિયા ગાંધી સુધી પહોંચે તેવી શક્યતા

• કોંગ્રેસ ધારાસભ્યોને લઇને ભાજપ-કોંગ્રેસ વચ્ચે આરોપ-પ્રત્યારોપ
• કોંગ્રેસના કેટલાક ધારાસભ્યો ક્રોસ વોટિંગ કરશે તેવો વાઘાણીનો દાવો
• ચાવડા-ધાનાણી વચ્ચેની લડાઇમાં ધારાસભ્યોના રાજીનામાં

રાજ્યસભા ચૂંટણીમાં કોંગ્રેસના ધારાસભ્યોના રાજીનામાને લઇ અમિત ચાવડાએ કહ્યું કે ભાજપ લાલચ આપી ધારાસભ્યોને ખરીદે છે. આ લોકશાહીની હત્યા છે. કેટલાક મિત્રોએ લાલચમાં આવી રાજીનામા આપ્યા છે.
 

પરંતુ અમે બન્ને બેઠકોને જીતવાની રણનીતિ સાથે આગળ વધીશું. જેને લઇને ભાજપ પ્રદેશ પ્રમુખે જીતુ વાઘાણીએ દાવો કર્યો કે કોંગ્રેસના કેટલાક ધારાસભ્યો ક્રોસ વોટિંગ કરશે. કોંગ્રેસ તેમને જ્યાં લઇ જવા હોય ત્યાં લઇ જાય. કોંગ્રેસ જયપુર લઇ જશે તો પણ ક્રોસ વોટિંગ થશે.
 

જો કે ભાજપના પ્રદેશ પ્રમુખે જીતુ વાઘાણીએ વિધાનસભા ગૃહમાં પરેશ ધાનાણી અને અમિત ચાવડા બંને વચ્ચેના આંતરિક વિખવાદના કારણે કોંગ્રેસ તુટી રહી હોવાનું જણાવ્યું છે. વાઘાણીએ કહ્યું કે કોંગ્રેસના સિનિયર નેતાઓને કોંગ્રેસની કંઇ પડી નથે. તેઓને માત્ર એમની સત્તા અને પદની પડી છે. જેના કારણે ધારાસભ્યો પક્ષ છોડીને જઇ રહ્યાં છે.