AUDIO / એ જવાબ સીધા આપવાના...: MLA પ્રતાપ દુધાતે PGVCLના અધિકારીને બેફામ ગાળો દીધી

• કોંગ્રેસના MLA પ્રતાપ દુધાતની ઓડિયો ક્લીપ
• PGVCLના અધિકારીને બેફામ અપશબ્દો કહ્યાં
• અધિકારીને અપશબ્દો કહેતી ઓડિયો કલીપ વાયરલ

સાવરકુંડલા વિધાનસભા કોંગ્રેસના ધારાસભ્ય પ્રતાપ દુધાતની એક ઓડિયો કલીપ વાયરલ થતા ખળભળાટ મચ્યો છે.  ધારાસભ્ય પ્રતાપ દૂધાત અને  ઇજનેર  જે.એમ. વિસાદની ઓડિયો ક્લીપ વાયરલ થઇ છે. જેમાં ધારાસભ્યના કાર્યકરે ફોન કરતા પીજીવીસીએલના અધિકારીએ રવિવારે ફોન ન કરવાનું કહ્યુ હતું. આ મામલે પ્રતાપ દૂધાતે પીજીવીસીએલના અધિકારીનો સંપર્ક કરીને ખરીખોટી સંભળાવી હતી જેનો ઓડિયો વાયરલ થયો છે.

પ્રતાપ દૂધાતે કહ્યા અપશબ્દો 

સાવરકુંડલા કોંગ્રેસના ધારાસભ્યની ઓડિયો ક્લીપમાં  છેલણા ગામના ખેડૂતને રવિવારે ફોન ન કરવાનું કહેતા અપશબ્દો કહ્યા હોવાનું સાંભળવા મળ્યુ છે. ધારાસભ્ય પ્રતાપ દુધાતે PGVCLના અધિકારીને બેફામ અપશબ્દો કહેતા મામલો ઉગ્ર બન્યો હતો.  વીજળીના પ્રશ્નને લઈ ધારાસભ્ય પ્રતાપ દુધાત આક્રમણ મૂડમાં આવીને પીજીવીસીએલના અધિકારીને  અપશબ્દો કહેતી ઓડિયો ક્લિપ વાયરલ થઇ છે.

અધિકારીનું વર્તન યોગ્ય ન હતું- પ્રતાપ દૂધાત

તો આ મામલે જ્યારે વીટીવી ન્યૂઝ દ્વારા  ધારાસભ્ય પ્રતાપ દૂધાતનો સંપર્ક કરવામાં આવ્યો તો તેઓએ આ મામલે પોતાની ભૂલ સ્વીકારી હતી. અધિકારી સાથે આ પ્રમાણે વાત ન કરવી જોઇએ તેનો સ્વીકાર કર્યો હતો પરંતુ સાથે એમ પણ જણાવ્યું હતું કે અધિકારીનું આ વર્તન યોગ્ય ન હતું. 

ઓડિયો ક્લીપમાં શું કહ્યું ધારાસભ્યએ ? 

શું હતો મામલો ?

વાત એમ હતી કે છેલણા ગામના કોંગ્રેસના કાર્યકર્તાએ PGVCLના અધિકારીને વીજ સમસ્યા મામલે ફોન કર્યો હતો પરંતુ રવિવારે અધિકારીએ ફોન કરવાની ના પાડી હતી. આ મામલો ધારાસભ્ય પ્રતાપ દૂધાત સુધી પહોંચ્યો હતો. સમગ્ર મામલાની જાણ થતા ધારાસભ્યે PGVCLના અધિકારીને ફોન કર્યો હતો અને ગાળો આપી હતી.