VIDEO / આકાશ વિજયવર્ગીય બાદ વધુ એક ધારાસભ્યની ગેરવર્તણૂક, એન્જીનિયર સાથે કર્યુ કંઇક આવું

(Credit: Mumbai Mirror)

મુંબઇઃ મહારાષ્ટ્રમાં એક ધારાસભ્ય દ્વારા એન્જીનિયરની સાથે ગેરવર્તણૂક કરવાનો મામલો સામે આવ્યો છે. કાંકાવાલીમાં મુંબઇ-ગોવા હાઇવે પાસે એક પુલ પર કોંગ્રેસ ધારાસભ્ય નિતેશ નારાયણ રાણે (MLA nitesh narayan rane) અને તેમનાં સમર્થકોએ એન્જીનિયર પ્રકાશ શેડકર પર કાદવ ફેંક્યો. ત્યાર બાદ તેઓએ એન્જીનિયરને નદીની ઉપર પુલ પર બાંધી દીધો. ન્યૂઝ એજન્સી એએનઆઇએ આનો વીડિયો રજૂ કર્યો છે.

આ વીડિયોમાં આપ જોઇ શકશો કે ધારાસભ્ય પોતાનાં સમર્થકોની સાથે પુલ પર ઉભા છે અને એન્જીનિયર તે સૌની વચ્ચે છે. ત્યારે એક યુવક તેને ધક્કો મારે છે અને બાકી ત્રણ-ચાર લોકો તેની ઉપર કાદવ-કીચડથી ભરેલ ડોલને ફેંકે છે. ત્યાર બાદ એન્જીનિયરને ફરી વાર ધક્કો મારવામાં આવે છે અને પુલ પર લાગેલ સળીયા સાથે બાંધી દેવામાં આવે છે.

#WATCH: Congress MLA Nitesh Narayan Rane and his supporters throw mud on engineer Prakash Shedekar at a bridge near Mumbai-Goa highway in Kankavali, when they were inspecting the potholes-ridden highway. They later tied him to the bridge over the river. pic.twitter.com/B1XJZ6Yu6z

— ANI (@ANI) July 4, 2019

તમને જણાવી દઇએ કે તાજેતરમાં જ જર્જર ભવનનાં ડિમોલિશનની ઝુંબેશનાં વિવાદ બાદ ભાજપ ધારાસભ્ય આકાશ વિજયવર્ગીયએ 26 જૂનનાં રોજ ઇન્દોરમાં નગરનિગમનાં એક ભવન નિરીક્ષકને ક્રિકેટનાં બેટથી કથિત રીતે માર માર્યો હતો, જ્યાર બાદ ઇન્દોરની એક કોર્ટે તેઓને 11 જુલાઇનાં રોજ સુધી ન્યાયિક ધરપકડમાં જેલ મોકલી દીધા હતાં. ત્યાર બાદ ભોપાલની એક વિશેષ કોર્ટે તેને જામીન આપી હતી. આકાશ વિજયવર્ગીયને જામીન મળ્યા બાદ અહીંની વિશેષ કોર્ટે આ મામલામાં સહઆરોપી બનાવવામાં આવેલ આઠ અન્ય લોકોને પણ બુધવારનાં રોજ જામીન પર મુક્ત કરવાનાં આદેશ આપ્યા છે. તમને જણાવી દઇએ કે આકાશ એ ભાજપનાં રાષ્ટ્રીય મહાસચિવ કૈલાશ વિજયવર્ગીયનાં પુત્ર છે.