Saturday, July 20, 2019
સબસ્ક્રાઈબ કરો VTVGujarati ન્યુઝ Whatsapp

દુ:ખદ / કોંગ્રેસી MLA લલિત કગથરાના દીકરાનું મોત, દિગ્ગજ નેતાઓ અંતિમ વિધિમાં જોડાયા

કોંગ્રેસી MLA લલિત કગથરાના દીકરાનું મોત, દિગ્ગજ નેતાઓ અંતિમ વિધિમાં જોડાયા

કોંગ્રેસના ધારાસભ્ય લલિત કગથરાના દીકરા વિશાલનું અકસ્માતમાં અવસાન થયું. ત્યારે CM રૂપાણી રાજકોટમાં લલિત કગથરાના નિવાસે પહોંચ્યા અને લલિત કગથરાના દીકરાની અંતિમયાત્રામાં સામેલ થયા અને તેમને સાંત્વના આપી. 

સીએમ વિજય રૂપાણીએ કહ્યું કે, લલિત કગથરા સાથે અમારે પારિવારીક સંબંધો છે. ભગવાન આવું દુઃખ કોઇને ન આપે. તમને જણાવી દઇ ગતરોજ પશ્ચિમ બંગાળમાં માર્ગ અકસ્માતમાં લલિત કગથરાના દીકરાનું અવસાન થયું હતું. ત્યારે આજે લલિત કગથરાના દીકરા વિશાલની અંતિમ યાત્રા નીકળી. જેમાં ભાજપ-કોંગ્રેસના નેતાઓ હાજર રહ્યા. 
 

આ ઘટના અંગે મળતી વિગતો અનુસાર ટંકારાના ધારાસભ્ય અને રાજકોટ લોકસભા બેઠકના કોંગ્રેસના ઉમેદવાર લલિતભાઈ કગથરાના બે પુત્રો તેમની પત્ની સાથે નો પરિવાર થોડા સમય પહેલા વિમાન માર્ગે સિક્કિમના પ્રવાસે ગયો હતો. 

જો કે, લલિતભાઈનો પરિવાર આજે સિક્કિમના પ્રવાસેથી કોલકતા પરત આવી રહ્યો હતો તે સમયે કોલકતાથી 300 કિમિ દૂર બહેરામપુર નજીક વોલ્વો બસને જોરદાર અકસ્માત નડ્યો હતો. અકસ્માતની આ ઘટનામાં કોંગ્રેસના ધારાસભ્યના પુત્ર વિશાલ કગથરાનું મોત નિપજતા પરિવારજનો પર આભ તૂટી પડ્યું હતું.
 

જોવા જેવું વધુ જુઓ

બ્રેકિંગ ન્યૂઝ