પ્રતિક્રિયા / કોંગ્રેસના ધારાસભ્ય ધવલસિંહ ઝાલાએ ભાજપમાં જોડાવાને લઇને કર્યો ખુલાસો

તો કોંગ્રેસના વ્હીપ મુદ્દે તેમણે 5 જુલાઇ પહેલા અલ્પેશ ઠાકોર અને તેમને વ્હીપ મળે તેવી કોઇ શક્યતા ન હોવાનું પણ કહ્યું હતું. તેમજ કોંગ્રેસ મીડિયામાં ચમકવા સ્ટંટ કરી રહી છે. કોંગ્રેસ તેમને શા માટે સસ્પેન્ડ નથી કરતી ? તેવા અનેક સવાલો સાથે ધવલસિંહ ઝાલાએ કોંગ્રેસ લોકોને ગેરમાર્ગે દોરતી હોવાનો આક્ષેપ કર્યો છે.

બાયડના ધારાસભ્ય ધવલસિંહ ઝાલાએ કહ્યું હતું કે, કોંગ્રેસ દ્વારા અફવા ફેલાવવામાં આવી રહી છે. હું ભાજપમાં જોડાવાનો નથી. કોંગ્રેસને સસ્પેન્ડ કરવા હોય તો કરી શકે છે. કોંગ્રેસ સસ્પેન્ડ કેમ નથી કરતી ? કોંગ્રેસ લોકોને ગેરમાર્ગે ન દોરે. કોંગ્રેસ મીડિયામાં ચમકવા સ્ટંટ કરી રહી છે. 5 જુલાઇ પહેલા અમને વ્હીપ મળે તેવી કોઇ શક્યતા નથી.

સંપર્ક ન કરાયો હોવાનો ધવલસિંહ ઝાલાનો આક્ષેપ

રાજ્યસભાની ચૂંટણી જેમ-જેમ નજીક આવી રહી છે. તેમ-તેમ કોંગ્રેસમાં ફાટા પડવાનું શરૂ થઈ ગયું છે. થોડા દિવસો કોંગ્રેસની ધારાસભ્ય દળની બેઠક મળી હતી. જેમાં કેટલાક ધારાસભ્યોને આમંત્રણ આપવામાં આવ્યું ન હતું. જેને લઈને વીટીવી સાથે ખાસ વાતચીતમાં ધારાસભ્ય ધવલસિંહ ઝાલાએ પોતાનો બળાપો કાઢ્યો હતો. તેમણે જણાવ્યું હતું કે, ધારાસભ્ય દળની બેઠક અંગે મને કોઈ જ પ્રકારનું આમંત્રણ આપવામાં આવ્યું નથી. કોંગ્રેસ આ પ્રકારનું વર્તન કરીને ઠાકોર સેનાને બદનામ કરવાનું કાવતરું કરી રહી છે. પરંતુ ટુંક સમયમાં જ તેનો જવાબ પણ કોંગ્રેસને આપી દેશે.