રાજકોટ: જિલ્લા પંચાયત કોંગ્રેસના હાથમાંથી જવાની તૈયારીમાં છે. જિલ્લા પંચાયતના 24 સભ્ય રાતોરાત ગાયબ થયા છે. સામાન્ય સભાના 4 દિવસ પૂર્વે જ અર્જુન ખાટરિયા વિરુદ્ધ રોષ ફેલાયો છે. અર્જુન ખાટરિયાના પત્ની અલ્પા ખાટરિયા જિલ્લા પંચાયતના પ્રમુખ છે.
મહત્વનું છે કે 27 જુલાઈએ સામાન્ય સભા યોજાવાની છે. તે પૂર્વે તમામ સભ્યો ગાયબ થઈ ગયા છે. સામાન્ય સભામાં પ્રમુખ વિરુદ્ધ અવિશ્વાસ દરખાસ્ત લાવવામાં આવે તેવી પણ શક્યતા સેવાઈ રહી છે. જોકે હાલ જિલ્લા પંચાયતના 24 સભ્યો રાજસ્થાનમાં હોવાના અહેવાલ મળી રહ્યા છે.
સભ્યો ભૂગર્ભમાં જવાના મામલે જિલ્લા કોંગ્રેસ પ્રમુખનુ નિવેદન
રાજકોટ જિલ્લા પંચાયતના સભ્યો ભૂગર્ભમાં જવાના મામલે જિલ્લા કોંગ્રેસ પ્રમુખે નિવેદન આપ્યું છે. પ્રમુખે કહ્યું કે ભાજપ દ્વારા અફવા ફેલાવવામાં આવી રહી છે. ભાજપનું આ નાટક છે. કોઈપણ સભ્યો ભાજપના સંપર્કમાં નથી. એકપણ સભ્ય ભૂગર્ભમાં ગયો નથી. અર્જુન ખાટરીયા સાથે કોઈને વાંધો નથી. તમામ સભ્યો મારા સંપર્કમાં છે તેવુ કોંગ્રેસ પ્રમુખે કહ્યું હતું.