અમદાવાદ / શપથપત્રના નામ સાથે કોંગ્રેસનો મેનિફેસ્ટો જાહેર, જાણો શું શું આપવા માગે છે કોંગ્રેસ

• મનપાની ચૂંટણીને લઈ કોંગ્રેસનો શપથપત્ર
• ઘરનું ઘર આપવાનો કોંગ્રેસે કર્યો વાયદો
• મનપામાં ખાલી જગ્યાઓ ભરવાનું વચન

ગુજરાતમાં સ્થાનિક સ્વરાજની ચૂંટણીમાં કોંગ્રેસ પાર્ટીએ પોતાનો મેનિફેસ્ટો જાહેર કર્યો છે. કોંગ્રેસે ચૂંટણી ઢંઢેરાને શપથપત્ર તરીકે જાહેર કર્યો છે. મનપા અને નપા માટે અલગ અલગ શપથપત્ર જાહેર કરાયા છે. જિલ્લા અને તાલુકા પંચાયત માટે અલગ શપથપત્ર છે. જેમાં લોકોને અલગ અલગ વાયદાઓ કરાયા છે. મકાન માલિક અને ભાડુઆતનો એક જ ટેક્સ કરાશે. ફરીથી ઘરનું ઘર આપવાનો કોંગ્રેસે વાયદો કર્યો છે. મનપામાં ભાજપનું શાસન છતાં પ્રાથમિક સુવિધા ન હોવાના આક્ષેપ પણ કરાયા છે.

મનપામાં ખાલી જગ્યાઓ ભરવાના વચન સાથે યુવાનોને રોજગારીનું સપનું પણ દેખાડાયું છે. શહેરીજનો માટે કોંગ્રેસ ગુજરાઈટ કાર્ડ આપશે. જેમાં મુસાફરી, આરોગ્ય સહિતની સેવા માટે ગુજરાઈટ કાર્ડની સુવિધા પ્રાપ્ત થશે. 

• 24 કલાકમાં કોન્ટ્રાક્ટ, આઉટસોર્સિંગ પ્રથા બંધ કરીશું
• કોન્ટ્રાક્ટ પ્રથા બંધ કરી વર્ગ 3-4માં ભરતી કરાશે
• 24 કલાકમાં ખાલી જગ્યાઓમાં ભરતી કરાશે
• 24 કલાકની અંદર સફાઈ કામદારોને કાયમી કરાશે
• ફ્રી શિક્ષણ, આરોગ્ય, વાઈ-ફાઈ સુવિધા અપાશે
• જાહેર રસ્તાઓ પર એર પ્યોરીફાયર લગાવાશે
• સત્તામાં આવ્યાના એક સપ્તાહની અંદર રસ્તાનું સમારકામ
• ઉદ્યોગોને એક વર્ષ સુધી ટેક્સ ફ્રી કરવામાં આવશે
• એર ઈમરજન્સી સેવાઓ આપવાનો કોંગ્રેસનો વાયદો
• ઊંચી બિલ્ડિંગો પર ફાયર માટે હેલિકોપ્ટર વપરાશે
• સરકારી શાળાઓને મોડેલ શાળાઓમાં પરિવર્તિત કરાશે
• મનપાની શાળાઓમાં ધોરણ-1થી ફ્રીમાં અંગ્રેજી શિક્ષણ
• વરસાદી પાણીના નિકાલ માટે વિશ્વસ્તરિય સર્વિસ કોરિડોર
• મનપા વિસ્તારમાં પાર્કિંગની સુવિધા ફ્રી કરાશે
• દરેક શહેરમાં ફ્રી વાઈ-ફાઈ ઝોન બનાવાશે