કોંગ્રેસ નેતા અને વાયનાડ સાંસદ રાહુલ ગાંધીએ પોતાના નિવાસસ્થાન પર મહારાષ્ટ્ર સરકારના કોંગ્રેસ મંત્રીઓ સાથે બેઠક યોજી છે. આ બેઠકમાં કોંગ્રેસના મહાસચિવ પ્રિયંકા ગાંધી પણ ઉપસ્થિત રહ્યાં છે.
રાહુલ ગાંધીએ મહારાષ્ટ્ર કોંગ્રેસના મંત્રીઓ સાથે કરી બેઠક
પ્રિયંકા ગાંધી પણ બેઠકમાં ઉપસ્થિત રહ્યાં
કોંગ્રેસ નેતા રાહુલ ગાંધીના નિવાસસ્થાન પર યોજાઇ બેઠક
કોંગ્રેસ નેતા રાહુલ ગાંધીના નિવાસસ્થાન પર યોજાયેલી આ બેઠકમાં પાર્ટીના વરિષ્ઠ નેતા મલ્લિકાર્જૂન ખડગે અને કેસી વેણુગોપાલ પણ હાજર રહ્યાં હતા.
રાહુલ ગાંધી અને પ્રિયંકા ગાંધી સહિત દિગ્ગજ નેતાઓની ઉપસ્થિતિમાં યોજાયેલી મહારાષ્ટ્ર સરકારના મંત્રીઓ સાથેની બેઠકને લઇને કોઇ સત્તાવાર કયા મુદ્દા પર ચર્ચા કરી તે અંગેની જાણકારી મળી નથી. જો કે એક મળતાં અહેવાલ મુજબ મહારાષ્ટ્રના મંત્રીમંડળમાં કોંગ્રેસના મંત્રીઓની સંખ્યા અને વિભાગને લઇને પાર્ટીના રાજ્યકક્ષાના નેતાઓએ રાહુલ ગાંધીને જાણકારી આપી.
જો કે એવુ માનવામાં આવી રહ્યું છે કે રાહુલ ગાંધીએ કોંગ્રેસના મંત્રીઓ સાથે કોમન મિનિમમ પ્રોગ્રામની પસંદ કરવાની સલાહ આપી છે.
આ અગાઉ મહારાષ્ટ્રમાં મુખ્યમંત્રી ઉદ્ધવ ઠાકરે સરકારનું સોમવારના રોજ મંત્રીમંડળનું વિસ્તરણ કરવામાં આવ્યું છે. જેમાં મુખ્યમંત્રીના દિકરા આદિત્ય ઠાકરે સહિત 35 ધારાસભ્યોએ મંત્રીપદના શપથ લીધા. જેમાં કેબિનેટના 25 અને રાજ્યકક્ષના 10 મંત્રીપદ સામેલ છે.