કોંગ્રેસે ગુજરાત વિધાનસભા ચૂંટણીની તૈયારીઓ તેજ કરી દીધી છે, જેને લઈને હવે કોંગ્રેસ પ્રતિભા શોધો અભિયાન લોન્ચ કરશે.
વિધાનસભા ચૂંટણીને લઇ કોંગ્રેસની તૈયારી તેજ
કોંગ્રેસ શરૂ કરશે પ્રતિભા ખોજ અભિયાન
કોંગ્રેસ મીડિયા પેનલીસ્ટની યોજશે કાર્યશાળા
કોંગ્રેસે ગુજરાત વિધાનસભા ચૂંટણીની તૈયારીઓ તેજ કરી દીધી છે, જેને લઈને હવે કોંગ્રેસ પ્રતિભા શોધો અભિયાન લોન્ચ કરશે. જેમાં સરકાર સામે બોલી શકે તેવી પ્રતિભાશાળી લોકોની શોધ કરવા માટે કોંગ્રેસ હવે કાર્યશાળા યોજવા જઈ રહી છે. જેને લઈને સોમવારે કોંગ્રેસ મીડિયા પેનલીસ્ટની એક દિવસીય કાર્યશાળા યોજાશે, જેમાં પ્રતિભા ખોજ અભિયાન લોન્ચ કરાશે.
વિધાનસભા ચૂંટણીને લઇ કોંગ્રેસની તૈયારી તેજ
મહત્વનું છે કે વિધાનસભાની ચૂંટણી નજીક આવી રહી છે, આગામી વર્ષ વિધાનસભાની ચૂંટણી યોજાનાર છે ત્યારે કોંગ્રેસ મજબૂત વક્તા પ્રવક્તાની એક ટીમ તૈયાર કરવા ઈચ્છે છે સરકાર સામે બોલી શકે તેવા પ્રતિભાશાળી લોકોની ટીમ કોંગ્રેસ તૈયાર કરશે, પ્રતિભા ખોજ અભિયાનની શરૂઆત પ્રભારી રઘુ શર્મા, પવન ખેરા, જગદીશ ઠાકોર કરાવશે. જેમાં કાર્યકરો ઓફલાઇન અને ઓનલાઇન રજિસ્ટ્રેશન કરાવી શકશે, ભાગ લેનારા કાર્યકરોના રાજ્યના 4 ઝોન પ્રમાણે ઇન્ટરવ્યૂ થશે.
કોંગ્રેસ શરૂ કરશે પ્રતિભા ખોજ અભિયાન
પ્રતિભા ખોજ અભિયાનમાં પસંદગી પામનાર કાર્યકરોને મીડિયા પેનલીસ્ટમાં સ્થાન મળશે. આમ કોંગ્રેસ દ્વારા જાન્યુઆરી 2022 સુધી મીડિયા પેનલીસ્ટ તૈયાર કરાશે. આગામી વર્ષે વિધાનસભાની ચૂંટણીઓ યોજાનારે છે ત્યારે કોંગ્રેસ દ્વારા અત્યારથી જ તૈયારીઓ શરૂ કરી દેવામાં આવી છે, જેને લઈને કોંગ્રેસ હવને પ્રતિભા શોધો અભિયાન હાથ ધરવા જઈ રહી છે.