લુણાવાડા / કોંગ્રેસનો ગઢ ગણાતી આ નગરપાલિકામાં ભાજપનો ભગવો લહેરાયો, જાણો કેવું ખેલાયું રાજકારણ

• લૂણાવાડા નગરપાલિકામાં કોંગ્રેસે સત્તા ગુમાવી
• કોગ્રેસના 4 અને 1 અપક્ષ ઉમેદવાર ભાજપમાં જોડાયા
• બળવાખોર સભ્યની મદદથી ભાજપે સત્તા મેળવી

કહેવાય છે રાજકારણમાં કોઈ સ્થાયી નથી હોતું અને કોઈ કોઈનું સગુ નથી હોતું સત્તા અને ખુરશી એ એક સિક્કાની બે બાજુ સમાન છે, આજે કોગ્રેસના 4 અને 1 અપક્ષ ઉમેદવાર ભાજપમાં જોડાતા કોંગ્રેસએ લૂણાવાડા નગરપાલિકામાં સત્તા ગુમાવી છે. 

કોંગ્રેસ પાસે માત્ર 11 સભ્યો જ રહ્યા

લુણાવાડા નગરપાલિકામાં ભાજપનો ભગવો લહેરાતા, નગરપાલિકામાં કોંગ્રેસે સત્તા ગુમાવી છે. કોંગ્રેસના 4 સભ્યો અને અપક્ષનો 1 એમ કુલ પાંચ લોકો ભાજપમાં જોડાતા હવે ભાજપ પાસે નગરપાલિકામાં સંખ્યા બળ 16 સભ્યોનું થઈ ગયું છે,

બળવાખોર સભ્યની મદદથી ભાજપે સત્તા મેળવી

જ્યારે હવે કોંગ્રેસ પાસે 11 સભ્યો બચ્યા છે. મહત્વનું છે કોંગ્રેસના ઉમેદવાર તરીકે જીત મેળવનાર સભ્યો પક્ષ સાથે બળવો કરી સત્તાધારી પક્ષમાં જતા રહેતા કોંગ્રેસ સત્તા ગુમાવવાનો વારો આવ્યો છે.