ગાંધીનગર / કોંગ્રેસના નેતાઓ CM ભૂપેન્દ્ર પટેલને મળ્યા, કાયદો-વ્યવસ્થાને લઈને કરી રજૂઆત, જાણો શું બોલ્યા અમિત ચાવડા

• કોંગ્રેસ નેતાઓ CM સાથે મુલાકાત કરવા પહોંચ્યા
• કાયદો-વ્યવસ્થા અંગે કરી રજૂઆત
• અમિત ચાવડા-જીજ્ઞેશ મેવાણી સહિતના નેતાની રજૂઆત

ગાંધીનગરમાં મુખ્યમંત્રી કાર્યાલય પર કોંગ્રેસના નેતાઓનો કાફલો પહોંચ્યો હતો જેમાં અમિત ચાવડા, જીજ્ઞેશ મેવાણી સહિતના નેતા CMને મળવા માટે પહોંચ્યા હતા. CM ભૂપેન્દ્ર પટેલને કાયદો-વ્યવસ્થાની સ્થિતિને લઇને રજૂઆત કરી હતી.

કાયદા-વ્યવસ્થાની સ્થિતિ કથળતી જાય છે: અમિત ચાવડા
જે સમગ્ર મામલે કોંગ્રેસ નેતા અમિત ચાવડાએ જણાવ્યું કે, આજે ગુજરાતમાં કાયદા-વ્યવસ્થાની સ્થિતિ કથળતી જાય છે જેના કેટલાક કિસ્સાઓ કોંગ્રેસના જનમંચ કાર્યક્રમમાં સામે આવ્યા છે. સુરતના ઓલપાડના પોલીસ હેડ કોન્સેટબલને પૂછપરછ માટે દિલ્હીની પોલીસ ઓગસ્ટ 2022માં લઈ જાય અને તે વાતને આઠ મહિનાથી વધુ સમય થયો હોય તેમ છતા તેની ભાળ ન મળતી હોય તેમની પત્ની ન્યાય માટે ગુહાર માંગીને થાક્યા હોય ત્યારે તેમણે કોંગ્રેસના જનમંચ પર આ વાત રજૂ કરી હતી જે વાત અમે મુખ્યમંત્રી પાસે લઈ આવ્યા છીએ. 

અમિત ચાવાડાનું નિવેદન
કોંગ્રેસ નેતા અમિત ચાવડાએ જણાવ્યું કે, દાહોદ જિલ્લાનો પરિવાર માર્ચ મહિનાથી ફરિયાદ કરવા માટે જજૂમી રહ્યો હોય અને પોલીસ આજ દિન સુધી એફઆઈઆર ન ફાડતી હોય તેવા કિસ્સા કે, પછી કાકોસીનો બનાવ તેમજ દાંતાના ધારાસભ્ય કાંન્તીભાઈ ખરાડીનો ચૂંટણી દરમિયાન અપહરણનો કિસ્સો હોય જેવી વિવિધ બાબતોને લઈ મુખ્યમંત્રી સમક્ષ રજૂઆતો કરવાની છે.