દુઃખદ / શક્તિસિંહ ગોહિલના માતૃશ્રીનું નિધન, મહામારીને કારણે શોકાંજલિ માટે રૂબરૂ ન આવવાની કરી અપીલ

• ગુજરાત કોંગ્રેસના દિગ્ગજ નેતાને માતૃશોક
• શક્તિસિંહ ગોહિલના માતાનું થયું નિધન
• ટ્વિટ કરીને વ્યક્ત કર્યું દુઃખ

કોંગ્રેસ પક્ષના રાષ્ટ્રીય પ્રવકતા શક્તિસિંહ ગોહિલના માતુશ્રી રાજેન્દ્રકુંવરબાનું આજે ભાવનગર જિલ્લાના લીમડા ગામ ખાતે અવસાન થયેલ છે. આ જાણકારી કોંગ્રેસ નેતાએ પોતાના ટ્વિટર દ્વારા આપી હતી અને દુઃખ વ્યક્ત કર્યુ હતું. આ સાથે તેમણે હાલ જ્યારે કોરોનાની મહામારી ચાલી રાહી છે ત્યારે શોકાંજલિ માટે રૂબરૂ નહીં પધારવા અપીલ પણ કરી હતી. હાલની કોરોનાની પરિસ્થિતિ હોવાથી સદગદનુ બેસણું રાખેલ નથી જેની નમ્ર જાણ લેવા શુભચિંતકોને વિનંતી કરી હતી.

મારા જીવનમા કદી નહીં પુરી શકાય તેવી ખોટ પડી છે. મારા માતુશ્રીનુ આજે અવસાન થયેલ છે. મારા શુભચિંતકોની સંવેદના અમારા પરિવારની સાથે જ હોય તેનો મને પૂરો વિશ્વાસ છે. હાલ જ્યારે કોરોનાની મહામારી ચાલી રાહી છે ત્યારે શોકાંજલી માટે રૂબરૂ ના પધારવા વિનંતી છે. pic.twitter.com/IXFaPFbVkC

— Shaktisinh Gohil (@shaktisinhgohil) June 2, 2020

ઉલ્લેખનીય છે કે શક્તિસિંહ ગોહિલ ગુજરાત કોંગ્રેસના દિગ્ગજ નેતા છે. આ સાથે હાલમાં તેઓ ગુજરાતમાંથી રાજ્યસભાની ચૂંટણી પણ લડી રહ્યા છે જેને લઈ 19મી જુને મતદાન છે. શક્તિસિંહ ગોહિલ હાલમાં બિહાર અને દિલ્હી કોંગ્રેસના પ્રભારી તરીકેની જવાબદારી પણ સંભાળી રહ્યા છે.  

પ્રભુ માતૃશ્રીની પવિત્ર આત્માને શાંતિ પ્રદાન કરે તેવી પ્રભુને પ્રાર્થના, ૐ શાંતિ https://t.co/qMxtwl0KRF

— Dr.Manish Doshi (@drmanishdoshi) June 2, 2020