સજા / BIG NEWS: કોંગ્રેસ નેતા રાજ બબ્બરને 2 વર્ષની સજા સંભળાવાઈ, જાણો કયા કેસમાં થઈ સજા 

• યુપી કોંગ્રેસના પૂર્વ પ્રદેશ અધ્યક્ષ રાજ બબ્બરને કોર્ટે સજા ફટકારી 
• કોર્ટે સાડા​આઠ હજારનો દંડ બે વર્ષની  ફટકારી સજા
• 2જી મે 1996ના રોજ મતદાન અધિકારીએ વજીરગંજમાં FIRનોંધાવી હતી

યુપી કોંગ્રેસના પૂર્વ પ્રદેશ અધ્યક્ષ રાજ બબ્બરને કોર્ટે બે વર્ષની સજા ફટકારી છે. તમને જણાવી દઈએ કે 2 મે 1996ના રોજ મતદાન અધિકારીએ વજીરગંજમાં FIRનોંધાવી હતી. ચુકાદો સંભળાવવામાં આવ્યો ત્યારે રાજ બબ્બર પણ કોર્ટમાં હાજર હતા. સાથે જ રાજ બબ્બરે કહ્યું કે તે તેને પડકારશે.

કોર્ટે સાડા​આઠ હજારનો દંડ બે વર્ષની સજા ફટકારી 

યુપી કોંગ્રેસના પૂર્વ અધ્યક્ષ રાજ બબ્બરને બે વર્ષની સજા, MPMLA કોર્ટે સાડા આઠ હજારનો દંડ પણ ફટકાર્યો છે. તેમના પર 1996માં મતદાન કાર્યકર્તાને માર મારવાનો આરોપ હતો. સજા ત્રણ વર્ષથી ઓછી છે, તેથી તેને જેલમાં મોકલવામાં આવશે નહીં, તેને જામીન મળશે. પરંતુ રાજ બબ્બરે કહ્યું કે તે તેને પડકારશે. રાજ બબ્બરને સરકારી કામમાં અવરોધ અને મારપીટનો દોષી ઠેરવવામાં આવ્યો હતો.ચુકાદો સંભળાવવામાં આવ્યો ત્યારે રાજ બબ્બર કોર્ટમાં હાજર હતો. 2 મે 1996ના રોજ વજીરગંજમાં મતદાન અધિકારી દ્વારા એફઆઈઆર દાખલ કરવામાં આવી હતી. રાજ બબ્બર સપાના ઉમેદવાર હતા. પોલિંગ ઓફિસર પર મારપીટનો મામલો સામે આવ્યો હતો.

શું છે સમગ્ર મામલો 

2 મે, 1996ના રોજ મતદાન અધિકારી દ્વારા વજીરગંજ પોલીસ સ્ટેશનમાં એફઆઈઆર દાખલ કરવામાં આવી હતી. લખનૌ એમપી એમએલએ કોર્ટે આ મામલે ગુરુવારે પોતાનો ચુકાદો આપ્યો. જો કે આ પછી કોર્ટે તેને જામીન પણ આપી દીધા હતા. કોર્ટના કાગળો અનુસાર, આ કેસનો રિપોર્ટ 2 મે, 1996ના રોજ પોલિંગ ઓફિસર શ્રી કૃષ્ણ સિંહ રાણા દ્વારા પોલીસ સ્ટેશન વજીરગંજમાં સપાના ઉમેદવારો રાજ બબ્બર અને અરવિંદ યાદવ ઉપરાંત અજાણ્યા લોકો વિરુદ્ધ નોંધાવવામાં આવ્યો હતો.એવું કહેવાય છે કે જ્યારે મતદારોએ મતદાન મથક નંબર 192/103ના બૂથ નંબર 192 પર આવવાનું બંધ કરી દીધું હતું. ત્યારબાદ ફરિયાદી મતદાન મથકની બહાર આવ્યા બાદ ભોજન લેવા જતો હતો. આ દરમિયાન સમાજવાદી પાર્ટીના ઉમેદવાર રાજ બબ્બર તેમના સાથીદારો સાથે મતદાન કેન્દ્ર પર આવ્યા અને બોગસ મતદાનના ખોટા આક્ષેપો કરવા લાગ્યા.